પોરબંદર / આતંકીઓનું કોઈ મોટું ષડયંત્ર કે શું ? પોરબંદર નજીકથી 2 શંકાસ્પદ કબૂતરો મળી આવતા તપાસ એજન્સી થઈ દોડતી

• સુભાષનગર હાર્બર મરીન પોલીસને મળ્યા શંકાસ્પદ કબૂતરો
• કબૂતરો મળી આવતા જિલ્લા પોલીસ તંત્ર આવ્યું હરકતમાં
• માછીમારી કરતા માછીમારોની બોટમાં આવ્યા બંને કબૂતરો

પોરબંદર મરીન પોલીસને બે શંકાસ્પદ કબૂતર મળી આવતા જિલ્લા પોલીસ તંત્ર હરકતમાં આવ્યું છે. માછીમારી કરતા ખલાસીઓની બોટમાં બે અચાનક બે કબૂતરો આવી ચઢ્યા હતા, આ કબૂતરોના પગલાં ચીપ્સ હોવાનું અનુમાન લગાવવામાં આવી રહ્યું છે ત્યારે જિલ્લા પોલીસ તંત્ર એલર્ટ બન્યું છે.  ભારતીય જળસીમાંથી અવાર નવાર ઘૂસણખોરી અને જાસૂસીને અંજામ આપવામાં આવતો હોય છે.  

કબૂતરો મળી આવતા જિલ્લા પોલીસ તંત્ર આવ્યું હરકતમાં

મહત્વનું છે કે અગાઉ પણ પાડોશી દેશો  દ્વારા દરિયાઈ સીમામાં જાસૂસી કરાતી હોવાનું સામે આવી ચુક્યું છે ત્યારે બે શંકાસ્પદ કબૂતરો મળી આવતા લઈને સુરક્ષા એજન્સીઓ કામે લાગી છે. ઉલ્લેખનિય છે કે સદીઓથી કબૂતરોનો ઉપયોગ સંદેશાની આપલે માટે થતો ત્યારે પોરબંદરમાં સુભાષનગર હાર્બર મરીન પોલીસને  બે શંકાસ્પદ કબૂતરો મળી આવ્યા હતા. સમુદ્રમાંથી શંકાસ્પદ રીતે કબૂતરો ઝડપાતા  ફોરેસ્ટ, FSL, BDDS વેટરની ડોક્ટરોએ સંયુક્ત તપાસ શરૂ કરી તો આ તરફ સુરક્ષા એજન્સીઓ પણ તપાસમાં જોતરાઇ છે.