પોરબંદર / દરિયામાંથી મળ્યો કેરબો, ઘરે આવીને સાતથી વધુ માછીમારો ગટગટાવી ગયા: બેના નિધન, અનેક સારવાર હેઠળ

• ઝેરી કેમિકલ પીવાથી 2 માછીમારના મોત
• સમુદ્રમાંથી  મળ્યો હતો કેમિકલ ભરેલો કેરબો
• 7થી વધુ માછીમારોએ કેમિકલ પી લેતા હાલત ગંભીર

Porbandar drinking toxic chemicals: રાજ્યમાં વધુ એકવાર ઝેરી કેમિકલ પીવાની ઘટના સામે આવી છે. પોરબંદરમાં ઝેરી કેમિકલ પીવાથી 2 માછીમારના મોત થયાં છે તેમજ સાતથી વધુ લોકો સારવાર હેઠળ છે. સમુદ્રમાં માછીમારી દરમિયાન કેમિકલ ભરેલો કેરબો મળ્યો હતો. જેમાંથી આઠથી દસ લોકોએ કેમિકલ પીધો હોવાની વિગતો સામે આવી છે. 

લોકોને પેટમાં દુખાવાની સમસ્યા થઈ હતી
ઝેરી કેમિકલના કેરબામાંથી 7થી વધુ માછીમારોએ કેમિકલ પી લેતા હાલત ગંભીર છે. ઝેરી કેમિકલ પી લેતા આ લોકોને પેટમાં દુખાવાની સમસ્યા થઈ હતી જે બાદ હોસ્પિટલમાં જતા સમગ્ર મામલો પ્રકાશમાં આવ્યો હતો. જે ઝેરી કેમિકલ ક્યાંથી આવ્યો અને કેટલા લોકોએ પીધું હતું તે દિશામાં પોલીસે તપાસ તેજ કરી છે.  

સમગ્ર મામલે પોલીસની તપાસ તેજ
સમગ્ર મામલે પોલીસે તપાસ હાથ ધરી છે, જેમાં અત્યારે તમામ નાની હોડીઓમાં સર્ચની કામગીરી હાથ ધરી છે તેમજ સાવચેતીના ભાગરૂપે સુભાષનગરના લોકોની પૂછપરછ પણ શરૂ કરાઈ છે. કેમિકલની તપાસ માટે FSLમાં મોકલાયું છે. જો કે, FSLનો રિપોર્ટ આવ્ચા બાદ જ હકીકત બહાર આવશે

સારવાર લઈ રહેલા દર્દીના નામ
રવી ભીમજી કિશોર, ઉ.વ 31 (સુભાષનગર)
વિજય હરજી સલેટ, ઉ.વ 35 (સુભાષનગર)
કિશોર લાલજી ચામડિયા, ઉ.વ 41 (સુભાષનગર)
વિજેશ ચીના પવનીયા, ઉ.વ 49 (સુભાષનગર)
જયેશ હરજી ચામડીયા, ઉ.વ 32 (સુભાષનગર)
મુકેશ હીરા જેબર, ઉ.વ 47 (સુભાષનગર)
ભીખુ છગન ચૌહાણ, ઉ.વ 47 (સુભાષનગર)