રામ આયેંગે... / આવતીકાલથી જ અયોધ્યામાં શરૂ થઈ જશે પૂજનવિધિ, 150થી 200 કિલો વજનની છે રામલલાની પ્રતિમા

• અયોધ્યામાં રામ લલ્લાના અભિષેકની તૈયારીઓ પૂરજોશમાં
• રામ જન્મભૂમિ તીર્થ ક્ષેત્ર ટ્રસ્ટના ચંપત રાયે આપી ખાસ માહિતી
• પ્રાણ પ્રતિષ્ઠા સંબંધિત પૂજા વિધિ આવતીકાલથી શરૂ થશે

અયોધ્યામાં રામ લલ્લાના અભિષેકની તૈયારીઓ પૂરજોશમાં ચાલી રહી છે. દરમિયાન, શ્રી રામ જન્મભૂમિ તીર્થ ક્ષેત્ર ટ્રસ્ટના જનરલ સેક્રેટરી ચંપત રાયે સોમવારે જણાવ્યું હતું કે પ્રાણ પ્રતિષ્ઠા સંબંધિત પૂજા વિધિ આવતીકાલથી શરૂ થશે. ચંપત રાયે વધુમાં જણાવ્યું કે આ પૂજા પદ્ધતિ 21 જાન્યુઆરી સુધી ચાલુ રહેશે. તેમણે કહ્યું, રામલલાનો અભિષેક 22 જાન્યુઆરીએ બપોરે 12.20 વાગ્યે શરૂ થશે અને બપોરે 1 વાગ્યા સુધીમાં પૂર્ણ થશે. આ અંગે આયોજન કરવામાં આવી રહ્યું છે.

#WATCH अयोध्या: श्री राम जन्मभूमि तीर्थ क्षेत्र के महासचिव चंपत राय ने कहा, "प्राण प्रतिष्ठा दोपहर 12:20 बजे प्रारंभ होगी और 1 बजे तक पूरी हो जाएगी, यह अनुमान है। इसके बाद सभी महानुभाव, प्रधानमंत्री, डॉ. मोहन भागवत और मुख्यमंत्री अपने मनोभाव प्रकट करेंगे।" pic.twitter.com/dVPvHNs343

— ANI_HindiNews (@AHindinews) January 15, 2024

ચંપત રાયે શું કહ્યું?

ચંપત રાયે જણાવ્યું કે રામ લલ્લાના અભિષેક બાદ વડાપ્રધાન નરેન્દ્ર મોદી, રાજ્યપાલ આનંદીબેન પટેલ, મુખ્યમંત્રી યોગી આદિત્યનાથ, શ્રી રામ જન્મભૂમિ તીર્થ ક્ષેત્ર ટ્રસ્ટના પ્રમુખ મહંત નૃત્ય ગોપાલ દાસ અને રાષ્ટ્રીય સ્વયંસેવક સંઘના વડા મોહન ભાગવત પોતાની લાગણી વ્યક્ત કરશે. તેમણે પ્રેસ કોન્ફરન્સ દરમિયાન વધુમાં જણાવ્યું કે ભગવાન રામની મૂર્તિનું વજન 150 થી 200 કિલોગ્રામ છે. રામલલા પ્રાણ પ્રતિષ્ઠા સમારોહ 22 જાન્યુઆરીએ છે. તેમાં વિવિધ ક્ષેત્રની હસ્તીઓ પણ સામેલ થશે. 

વધુ વાંચો : રામ મંદિર પ્રાણ પ્રતિષ્ઠામાં શંકરાચાર્યો કેમ સામેલ નથી થઈ રહ્યાં? સ્વામી નિશ્ચલાનંદે આપ્યું મોટું કારણ

અરુણ યોગીરાજ દ્વારા નિર્મિત રામલલાની પ્રતિમાને પસંદ કરવામાં આવી

ચંપત રાયે જણાવ્યું કે મૈસુરના અરુણ યોગીરાજ દ્વારા બનાવવામાં આવેલી રામલલાની નવી પ્રતિમાને રામ મંદિરમાં સ્થાપિત કરવા માટે પસંદ કરવામાં આવી છે. ન્યૂઝ એજન્સીના જણાવ્યા અનુસાર નવા રામ મંદિરમાં રામલલાની વર્તમાન પ્રતિમા પણ રાખવામાં આવશે. તેમણે વધુમાં કહ્યું કે 23 જાન્યુઆરીથી લોકો રામ મંદિરમાં ભગવાન રામના દર્શન કરી શકશે.