સદન / 'ભારત માતાની હત્યા'ના નિવેદન પર PM મોદીનો જવાબ: કહ્યું મનમાં જે હતું એ મોઢા પર આવ્યું છે, સત્તા વગર કેવી ભાષા બોલે છે?

• PM મોદીએ સદનમાં વિપક્ષ પર પ્રહાર કર્યો
• માં ભારતીનાં મૃત્યુ પર કરેલી વાતનો વિરોધ કર્યો
• કહ્યું કેટલાક લોકો ભારત માતાનાં મૃત્યુની કામના કરે છે

PM મોદીએ અવિશ્વાસ પ્રસ્તાવની ચર્ચા દરમિયાન કેટલાક મુદાઓ પર વિસ્તારથી વાત કરી. તેમણે કોંગ્રેસનાં રાહુલ ગાંધીનું નામ લીધા વગર તેમની કહેલી વાત પર પ્રહાર કર્યો હતો. તેમણે કહ્યું કે," કેટલાક લોકો ભારત માતાનાં મૃત્યુની કામના કરે છે." PM મોદીએ સદનમાં કહ્યું કે, 'માં ભારતી વિશે જે પણ કહેવામાં આવ્યું તેનાથી દરેક ભારતીયની ભાવનાઓને ઠેસ પહોંચી છે. મને ખબર નથી પડતી કે આ થઈ શું ગયું છે. સત્તા વગર કોઈની સ્થિતી આવી થઈ જાય છે કે તે સત્તા સુખ વગર જીવી નથી શકતાં. કેવી ભાષા બોલી રહ્યાં છે. '

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

'કેટલાક લોકો ભારત માતાનાં મૃત્યુની કામના કરી રહ્યાં છે'
તેમણે આગળ કહ્યું કે," ખબર નહીં કેમ પણ કેટલાક લોકો ભારત માતાનાં મૃત્યુની કામના કરી રહ્યાં છે, તેનાથી મોટું દુર્ભાગ્ય બીજું શું હોઈ શકે. આ એ જ લોકો છે કે જે ક્યારેક લોકતંત્રની હત્યાની વાત કરે છે, બંધારણની હત્યાની વાત કરે છે..ખરેખર જે તેમના મનમાં છે તે તેમના મુખમાંથી પણ નિકળે છે."

14 ઑગસ્ટનાં વિભાજનનો ઉલ્લેખ કર્યો
PMએ દેશનાં મૃત્યુને લઈને સદનમાં ઉચ્ચારેલી વાતનો જવાબ આપતાં આગળ કહ્યું કે," હું જાણીને ચોંકી ગયો છું કે કોણ બોલી રહ્યું છે આ બધું...14 ઑગસ્ટનાં પાર્ટિશન થયું હતું જે આજે પણ આપણી સામે ચીસો અને પીડા લઈને આવે છે. જ્યારે ગુલામીની સાંકળ તોડવાની હતી ત્યારે આ લોકોએ માં ભારતીની ભુજાઓ કાપી નાખી. તેના ત્રણ ટુકડાઓ કરી નાખ્યાં.  ક્યાં મુખથી તેઓ આવું બોલવાની હિમ્મત કરે છે."