હુકમ / PM મોદીની હાઇલેવલ બેઠકમાં તાબડતોબ લેવાયા મોટા નિર્ણય, ઑક્સીજન અને વેક્સિનમાં મળશે રાહત

• પીએમ મોદીએ ઑક્સીજન શૉર્ટેજ પર કરી હાઇલેવલ બેઠક 
• ઑક્સીજન તથા તેને લગતા ઉપકરણો પર તાત્કાલિક પ્રભાવે કસ્ટમ ડ્યુટિ તથા હેલ્થ સેસ હટાવવા આદેશ 
• વેક્સિનની આયાત પર પણ આગામી ત્રણ મહિના સુધી નહીં લેવામાં આવે કોઈ પણ કર 

પીએમ મોદીએ કરી હાઇલેવલ બેઠક 

ભારતમાં કોરોના વાયરસના કારણે ઑક્સીજનની ખૂબ જ અછત ઊભી થઈ છે અને પ્રાણવાયુ વગર લોકો પ્રાણ ગુમાવી રહ્યા હોવાના અહેવાલ સામે આવી રહ્યા છે. પરિસ્થતિ એવી છે કે વિદેશથી ઑક્સીજન મંગાવવામાં આવી રહ્યા છે ત્યારે આજે પીએમ મોદીએ ફરીથી ઑક્સીજન માટે ઉચ્ચ સ્તરીય બેઠક કરી હતી. 

PM Modi chaired a meeting to review steps taken to boost oxygen availability in the country. He emphasised that there was an immediate need to augment the supply of medical-grade oxygen as well as equipment required for patient care both at home and in hospitals: Govt of India pic.twitter.com/DUtIQDj7sy

— ANI (@ANI) April 24, 2021

ઑક્સીજન માટે લેવામાં આવ્યા મોટા નિર્ણય 

પીએમ મોદીએ આ બેઠકમાં ઑક્સીજનની જરૂરિયાતને પહોંચી વળવા માટે લેવામાં આવેલા પગલાઓની સમીક્ષા કરી. પીએમ મોદીએ ઘરે તથા હોસ્પિટલમાં સારવાર લઈ રહેલા લોકોને વહેલામાં વહેલી તકે મેડિકલ ઑક્સીજન મળી રહે તે માટે ભાર મૂક્યો. 

તાત્કાલિક રૂપે આદેશને લાગુ કરવાનો નિર્ણય 

પીએમ મોદીએ બધા જ મંત્રાલયો તથા ડિપાર્ટમેન્ટને ઑક્સીજનના જથ્થા માટે કામ કરવા માટે કામ કરવા આદેશ આપ્યા છે. પીએમ મોદીએ નિર્ણય લીધો છે કે તાત્કાલિક પ્રભાવથી ત્રણ મહિના માટે ઑક્સીજન તથા ઑક્સીજન સંબંધિત કોઈ પણ ઉપકરણ માટે આયાત કરવા પર બેઝિક કસ્ટમ ડ્યુટિ તથા હેલ્થ સેસમાંથી છૂટકારો આપવામાં આવ્યો છે. 

PM directed Revenue Dept to ensure seamless & quick custom clearance of such equipment. It was also decided that Basic Customs Duty on import of Covid vaccines be also exempted with immediate effect for 3 months: Govt of India

— ANI (@ANI) April 24, 2021

વેક્સિન પર પણ મળશે રાહત 

આટલું જ નહીં રેવન્યુ વિભાગને પણ આ મુદ્દે પીએમ મોદીએ આદેશ આપ્યા છે કે તાત્કાલિક ધોરણે કસ્ટમ ક્લિયરન્સ કરવામાં  આવે. ભારત સરકારે બીજો એક મોટો નિર્ણય એ લીધો છે કે આગામી ત્રણ મહિના સુધી કોરોના વાયરસની વેક્સિન પર કોઈ પણ પ્રકારની આયાત ડ્યુટિ વસૂલવામાં આવશે નહીં. 

ભારતમાં કોરોના વાયરસ કેસ અપડેટ 

ભારતમાં કોરોના વાયરસની ઘાતક લહેર દિવસેને દિવસે વધારે લોકોને પોતાની ઝપેટમાં લઈ રહી છે ત્યારે આજે કોરોના વાયરસના નવા 3,46,786 કેસ સામે આવ્યા છે જ્યારે એક દિવસમાં કુલ 2,624 લોકોના કોરોના વાયરસના કારણે મોત થયા છે.