- PM કિસાન સન્માન નિધિ યોજનામાં KYC જરૂરી
- 14 મા હપ્તા માટે ઇ-કેવાયસી કરાવવું પડશે
- અત્યાર સુધીમાં ખેડૂતોના ખાતમાં 13 હપ્તા થયા જમા
સરકાર દ્વારા દેશના લગભગ દરેક વર્ગ માટે વિવિધ પ્રકારની લાભદાયી અને કલ્યાણકારી યોજનાઓ ચલાવવામાં આવી રહી છે. આ યોજનાઓનો વાસ્તવિક ઉદ્દેશ્ય દરેક જરૂરિયાતમંદ અને ગરીબ વર્ગને આર્થિક મદદ અને અન્ય બાબતોના લાભો આપવાનો છે. જેમ કે કેન્દ્ર સરકાર દ્વારા ખેડૂતો માટે પ્રધાનમંત્રી કિસાન સન્માન નિધિ યોજના ચલાવવામાં આવી રહી છે. આ યોજના હેઠળ ખેડૂતોને વાર્ષિક 6 હજાર રૂપિયા આપવામાં આવે છે અને આ પૈસા વર્ષમાં 3 વખત 2-2 હજાર રૂપિયાના હપ્તામાં આપવામાં આવે છે. અત્યાર સુધીમાં ખેડૂતોને 13 હપ્તા મળ્યા છે અને હવે 14મા હપ્તાનો વારો છે, પરંતુ તે પહેલા તમારે એક કામ પૂર્ણ કરવાની જરૂર છે. નહિંતર તમે 14મા હપ્તાના લાભથી વંચિત રહી શકો છો.
ઇ-કેવાયસી કરાવવું ફરજીયાત
જો તમે ઇચ્છતા હો કે આ યોજના હેઠળનો 14 મો હપ્તો જમા થાય અને તેનાથી વંચિત ન રહો તો તે માટે તમારે ઇ-કેવાયસી કરાવવું પડશે. સરકાર દ્વારા પહેલાથી જ સ્પષ્ટ કરવામાં આવ્યું હતું કે પીએમ કિસાન યોજના સાથે સંકળાયેલા દરેક લાભાર્થી માટે ઇ-કેવાયસી કરાવવું ફરજિયાત છે. તમે ઘરે બેસીને જાતે જ કરી શકો છો.
ઘરે બેઠા ઈ-કેવાયસી કરવાની આ સરળ રીત
- સ્ટેપ 1 - ઇ-કેવાયસી કરાવવા માટે તમારે પહેલા સત્તાવાર પીએમ કિસાન પોર્ટલ pmkisan.gov.in પર જવું પડશે.
- સ્ટેપ 2 -પછી અહીં વેબસાઇટ પર તમે થોડું નીચે આવશો તો ત્યાં તમને e-KYC નો વિકલ્પ મળશે. આ વિકલ્પ પર ક્લિક કરો.
- સ્ટેપ 3 - ત્યાર બાદ તમારી સામે એક પેજ ખુલશે હવે અહીં તમારે તમારો 12 અંકનો આધાર નંબર દાખલ કરવો પડશે.
- સ્ટેપ 4 - આધાર નંબર દાખલ કરીને હવે સર્ચ પર ક્લિક કરો. તમારા રજિસ્ટર્ડ એટલે કે આધાર સાથે લિંક કરેલ મોબાઇલ નંબર પર એક OTP આવશે પછી OTP સબમિટ કરો.
- સ્ટેપ 5 - ત્યાર પછી સબમિટ પર ક્લિક કરો અને પછી તમારું ઇ-કેવાયસી કરવામાં આવશે.
