- નારણપુરામાં સુજન ટાવરની દુકાનમાં ચોરી મામલો
- દોઢ માસમાં 4 ચોરીની ઘટનાથી વેપારીમાં રોષ
- વેપારીઓએ સુરક્ષાને લઈને કર્યા સવાલ
નારણપુરા વિસ્તારમા કચરો વીણવા આવતી મહિલા ચોરનો આતંક વધ્યો છે. સાડીમા સજજ થઈને આવતી ટોળકી કચરો વેણવા નીકળે છે અને ત્યારબાદ અંધારાનો લાભ લઈને ચોરીને અંજામ આપતા હોવાનું સામે આવતા લોકોમાં ફફડાટ ફેલાયો છે. નારણપુરામા પણ સુજન ટાવરમા આવેલા એલ્યુનીયનમના ગોડાઉનમા ચારથી પાંચ મહિલાઓએ ચોરી કરી હતી. જેને લઈને આ ઘટનાથી વેપારીઓમા રોષ વધ્યો છે. સતત ચોરીની ઘટના વધતા પોલીસની નિષ્ક્રીયતા પણ સવાલ ઉઠાવ્યા છે. આ મહિલા ચોર ટોળકી સીસીટીવીમા કેદ થતા પોલીસે ગુનો નોંધી તપાસ શરૂ કરી છે.
ચોર ટોળકી CCTV માં થઈ કેદ
સુજન ટાવરની આ પ્રથમ ચોરીની ઘટના નથી. આ ટોળકીએ એલ્યુમીનીયમના ગોડાઉનમા બીજી વખત ચોરી કરી હતી. જયારે પાન પાર્લર અને સલૂનની દુકાનમા પણ તાળા તોડીને રોકડની ચોરી કરી હતી. દોઢ માસના ચાર ચોરીની ઘટનાએ આતંક અને દહેસત ફેલાવી છે. વેપારીઓએ અનેક રજૂઆત બાદ પણ પોલીસ પોઈન્ટ કે પેટ્રોલીગ નહિ કરતી હોવાના આક્ષેપો થઈ રહયા છે. એક સલુનના વેપારીએ તો એક મહિના પહેલા જ દુકાન ખોલી અને મહિનાનો વકરો જોવે તે પહેલા આ ટોળકીએ ચોરી કરી ફરાર થઈ ગઈ હતી.
એલ્યુમિનિયમ વસ્તુઓ બનાવતી દુકાનમાં ચોરી
નારણપુરામા કચરાની આડમા કિમંતી વસ્તુઓની ચોરી કરનાર મહિલા ગેંગ કોણ છે.આ ગેંગના ત્રાસથી લોકોએ સીસીટીવી કેમેરા લગાવ્યા છે. પરંતુ મહિલા ટોળકી સીસીટીવીમા તો કેદ થાય છે પરંતુ પોલીસ તેને પકડી શકતી નથી. ત્યારે હવે વેપારીઓને પોતાની કિમંતી વસ્તુઓની ચોરીનો ડર સતત વધી રહયો છે. નારણપુરા પોલીસે ચોરીને લઈને ગુનો નોંધીને જુદીજુદી ટીમો બનાવીને આરોપીઓની શોધખોળ શરૂ કરી છે.
