બિઝનેસ / સતત ત્રીજા દિવસે Paytmના શેરમાં મોટો કડાકો: રોકાણકારોને મોટું નુકસાન, 20,500 કરોડ સ્વાહા

• પેટીએમના શેરમાં સતત ઘટાડો થઈ રહ્યો છે
• શેરબજારમાં પેટીએમની શેરપ્રાઈસમાં ઘટાડો 
• કંપનીના શેરમાં 10 ટકા લોઅર સર્કિટ લાગી ગઈ

દેશની સૌથી મોટી ફિનટેક કંપની પેટીએમના શેરમાં સતત ઘટાડો થઈ રહ્યો છે. સોમવારે સતત ત્રીજા કારોબારી દિવસે કંપનીના શેરમાં 10 ટકા લોઅર સર્કિટ લાગી ગઈ છે. જેના કારણે કંપનીના શેરનો રેકોર્ડ એકદમ નિમ્ન સ્તરે પહોંચી ગયો છે. આ દિવસે કંપનીના શેરમાં 42 ટકાથી વધુ ઘટાડો થયો છે. રોકાણકારોને 20,500 કરોડ રૂપિયાથી વધનું નુકસાન થયું છે. બીજી તરફ પેટીએમ પર મની લોન્ડિંગનો આરોપ છે. EDની તપાસમાં અનેક બાબતો સામે આવી છે. પેટીએમે મની લોન્ડ્રિંગને સંપૂર્ણપણે અફવા ગણાવી છે. શેરબજારમાં પેટીએમના કેવા પ્રકારના આંકડા જોવા મળી રહ્યા છે, તે અંગે અહીંયા જણાવવામાં આવ્યું છે.  

પેટીએમના શેરમાં ઘટાડો (paytm share price)
BSE આંકડા અનુસાર પેટીએમના શેરમાં સતત ત્રીજા દિવસે ઘટાડો થયો છે. કંપનીના શેરમાં 10 ટકા લોઅર સર્કિટ લાગી છે. જેના કારણે કંપનીના શેરનો રેકોર્ડ 438.35 રૂપિયા સાથે નિમ્ન સ્તરે રેકોર્ડ પહોંચી ગયો છે. શુક્રવારે કંપનીના શેરમાં 20 ટકા ઘટાડો થતા શેર પ્રાઈસ 487.05 રૂપિયા પર પહોંચી ગઈ હતી. સતત બે દિવસ સુધી શેરમાં 20 ટકાનો ઘટાડો થતા સ્ટોક એક્સચેન્જે નીચલી સર્કિટ ઓછી કરીને 10 ટકા કરી દીધી છે. 

20,500 કરોડ રૂપિયાનું નુકસાન
પેટીએમના શેરની કિંમતમાં ઘટાડો થતા રોકાણકારોને 20,500 કરોડ રૂપિયાનું નુકસાન થયું છે. શુક્રવારે પેટીએમની વેલ્યુએશ 30,931.59 કરોડ રૂપિયા હતી, જેમાં ઘટાડો થતા 27,838.75 કરોડ રૂપિયા પર પહોંચી ગઈ હતી. સોમવારે કંપનીની વેલ્યુએશનને 3092.84 કરોડ રૂપિયાનું નુકસાન થયું છે. ગુરુવાર અને શુક્રવારે કંપનીની વેલ્યુએશનમાં 17378.41 કરોડ રૂપિયાનું નુકસાન થયું છે. ત્રણ દિવસમાં કંપનીની વેલ્યુએશનમાં 20,471.25 કરોડ રૂપિયાનું નુકસાન થયું છે.

વધુ વાંચો: બમ્પર કમાણીની શાનદાર તક! આવી રહ્યો છે ભારતની સૌથી મોટી કાર કંપનીનો IPO, તૂટશે LICનો આ રેકોર્ડ!

RBI આદેશ 
RBIએ આદેશ આપ્યો હતો કે, પેટીએમનું સંચાલન કરનાર કંપની વન97 કમ્યુનિકેશંસ લિમિટેડ અને પેટીએમ પેમેન્ટ્સ સર્વિસિસના નોડલ એકાઉન્ટ 29 ફેબ્રુઆરી પહેલા સમાપ્ત કરવું જોઈએ. વન97 કમ્યુનિકેશંસ પેટીએમ પેમેન્ટ્સ બેન્ક લિમિટેડમાં 49 ટકા ભાગીદારી ધરાવે છે. આ કંપની પર મની લોન્ડ્રિંગના આરોપ મુકવામાં આવ્યો છે. પેટીએમે મની લોન્ડ્રિંગના આરોપોને નકારી દીધા છે.