પાટીદાર અનામત આંદોલન દરમિયાન નોંધાયેલા કેસ મામલે હાર્દિક પટેલને મોટી રાહત મળી છે. ભાજપના ધારાસભ્યના સુપ્રીમ કોર્ટે નિયમિત જામીન મંજૂર કર્યા છે.
Share
ભાજપના MLA હાર્દિક પટેલને મોટી રાહત
સુપ્રીમ કોર્ટે હાર્દિક પટેલને આપી રાહત
હાર્દિક પટેલના નિયમિત જામીન મંજુર
વિરમગામના ભાજપના ધારાસભ્ય હાર્દિક પટેલને સુપ્રીમ કોર્ટમાંથી મોટી રાહત મળી છે. રમખાણો, હિંસા અને આગચાંપીના કેસમાં સુપ્રીમ કોર્ટે હાર્દિક પટેલના નિયમિત જામીન મજૂર કર્યા છે. મહત્વનું છે કે, આ કેસમાં અગાઉ સુપ્રીમ કોર્ટે હાર્દિક પટેલને વચગાળાના જામીન આપ્યા હતા. સુપ્રીમ કોર્ટે ફેબ્રુઆરી 2020માં હાર્દિક પટેલને ધરપકડથી વચગાળાનું રક્ષણ આપ્યું હતું.
હાર્દિક પટેલ (ધારાસભ્ય, વિરમગામ)
શું છે સમગ્ર મામલો?
ગુજરાતમાં વર્ષ 2015માં થયેલા પાટીદાર અનામત આંદોલન વખતે ગુજરાતમાં હિંસા ફાટી નીકળી હતી. જે બાદ હાર્દિક પટેલની સામે કેસ નોંધાયો હતો. હાર્દિક પટેલને શરૂઆતમાં મહેસાણાની નીચલી અદાલતે દોષિત ઠેરવ્યા હતા અને બે વર્ષની જેલની સજા ફટકારી હતી.
હાઈકોર્ટમાં કરી હતી અરજી
જે બાદ હાર્દિક પટેલે વર્ષ 2019ની લોકસભા ચૂંટણી સમયે આ સજા સામે હાઈકોર્ટમાં અરજી કરી હતી. હાર્દિક પટેલે તેમની સજાને સ્થગિત કરવા માટે અરજી કરી હતી. જોકે, હાઈકોર્ટે આ હાર્દિક પટેલની અરજીને ફગાવી દીધી હતી. હાઈકોર્ટે અરજી ફગાવ્યા બાદ હાર્દિક પટેલે સુપ્રીમ કોર્ટમાં પહોંચ્યા હતા.
HCએ અરજી ફગાવતા સુપ્રીમ કોર્ટમાં કરી હતી અરજી
સુપ્રીમ કોર્ટમાં હાર્દિક પટેલે અપીલ કરી હતી કે તેમની સજાને પછી ખેચવામાં આવે, જેથી તેઓ ચૂંટણી લડી શકે. જે પછી સુપ્રીમ કોર્ટે પાટીદાર અનામત આંદોલન દરમિયાન થયેલા રમખાણો અને આગજનીની અપીલો પર ચુકાદો ન આવે ત્યાં સુધી હાર્દિક પટેલની સજા પર રોક લગાવી લીધી હતી. આ ઉપરાંત સુપ્રીમ કોર્ટે ફેબ્રુઆરી 2020માં હાર્દિક પટેલને ધરપકડછી વચગાળાનું રક્ષણ આપ્યું હતું.
