- વિશ્વનાં ગરીબોની સંખ્યામાં છેલ્લાં 3 વર્ષોમાં વધારો
- સામા પક્ષે અમીરોની આવકમાં બેગણો વધારો
- હજુ 229 વર્ષો સુધી આ આર્થિક અસમાનતા દૂર નહીં થવાનો દાવો
અમીરી અને ગરીબી, દુનિયામાં વર્ષોથી જોવા મળી રહી છે. દુનિયાભરમાં સરકારનાં તમામ પ્રયાસ બાદ પણ ગરીબી દૂર નથી થઈ રહી. છેલ્લાં 3 વર્ષોમાં તો વિશ્વમાં ગરીબોની સંખ્યા વધી છે જ્યારે અમીરોની સંપત્તિ બેગણી થઈ ગઈ છે. ઓક્સફેમે પોતાના એક રિપોર્ટમાં ગરીબી અને અમીરી વચ્ચેનાં અંતરને પ્રકાશિત કરતો અહેવાલ બહાર પાડ્યો છે. જેમાં ગરીબો અને અમીરો વચ્ચેની આર્થિક સમાનતા વચ્ચે વધી રહેલી ખાઈ દર્શાવવામાં આવી છે.
આ રિપોર્ટ અનુસાર દુનિયાનાં સૌથી અમીર વ્યક્તિ જેમાં એલન મસ્ક, બર્નાડ અરનોલ્ટ, જેફ બેજોઝ, લેરી એલિસન અને માર્ક જુકરબ્રગે 2020 બાદથી પોતાની સંપત્તિમાં બેગણો વધારો કર્યો છે. આ સંપત્તિ વધીને 869 બિલિયન ડોલર થઈ ગઈ છે. જ્યારે આ સમયગાળામાં દુનિયામાં 5 અરબ લોકો વધુ ગરીબ થઈ ગયાં છે.
આવનારો દશકો અમીરોને નામ
રિપોર્ટમાં એ પણ કહેવામાં આવ્યું છે કે જો અમીરો અને ગરીબોની વચ્ચેની આ આર્થિક અસમાનતા ચાલુ જ રહેશે તો આવનારાં 229 વર્ષો સુધી વિશ્વથી ગરીબી નાશ પામશે જ નહીં. ઓક્સફેમની રિપોર્ટમાં એવું પણ કહેવામાં આવ્યું છે કે આગળ પણ અમીર અને ગરીબ વચ્ચેનું અંતર વધવાની સંભાવના છે. આ સાથે જ આવનારાં 10 વર્ષ દુનિયાનાં પહેલા ખરબપતિ ઉદ્યોગપતિને સમર્પિત રહેશે.
80 કરોડ મજૂરોની આવક ઘટી
52 દેશોમાં આશરે 80 કરોડ શ્રમિતોની એવરેજ વાસ્તવિક મજૂરીમાં ઘટાડો થયો છે. આ શ્રમિકોને છેલ્લાં 2 વર્ષોમાં સંયુક્તરૂપે 1.5 ટ્રિલિયન ડોલરનું નુક્સાન થયું છે. ઓક્સફેમે કહ્યું કે લેટેસ્ટ Gini Index કે જે અસમાનતાનું માપન કરે છે તેના આંકડાઓથી જાણવા મળે છે કે વૈશ્વિક આવક અસમાનતાનાં મામલામાં દક્ષિણ આફ્રીકા દુનિયામાં સૌથી વધારે આર્થિક અસમાનતાવાળો દેશ છે.
વધુ વાંચો: રોકાણકારો રૂપિયા હાથવગા રાખજો, દેશની સૌથી અમીર મહિલા આપશે કમાણી કરવાનો ચાન્સ, આવી રહ્યો છે ધમાકેદાર IPO
રિપોર્ટ અનુસાર છેલ્લાં 3 વર્ષોમાં કોરોના મહામારી, રશિયા-યૂક્રેન યુદ્ધનાં પરિણામે વધેલી મોંઘવારીએ અરબો લોકોને ગરીબ બનાવ્યાં છે. જ્યારે ગણ્યાં-ગાંઠ્યા અરબપતિઓની આવકમાં જબરદસ્ત વધારો થયો છે.
