સુરત / પૂર્વ MLAની મિલકત જપ્ત કરવા ફરી આદેશ: અકસ્માતમાં યુવકના મોત મામલે કોર્ટનો આદેશ નહોતો માન્યો

• વી.ડી.ઝાલાવાડિયાની મિલકત જપ્તીનો આદેશ
• અકસ્માત કેસમાં વળતર નહીં ચૂકવતા આદેશ
• કોર્ટે 24.75 લાખ ચૂકવવા હુકમ કર્યો હતો

સુરતના કામરેજના પૂર્વ ધારાસભ્ય વી ડી ઝાલાવાડિયાની મિલકત જપ્તીનો આદેશ કરાયો છે. મોટર એક્સિડન્ટ કેસમાં વળતર નહીં ચૂકવવા બદલ મિલકત જપ્તીનો આદેશ કરાયો છે.  24 લાખ 19 હજારની મિલકતો જપ્ત કરવા વોરન્ટ રિ-ઇશ્યૂ કરાયો છે. અરજદાર તરફથી એડવોકેટ ગૌતમ લાઠિયાએ જપ્તી માટે અરજી કરી હતી.

કોર્ટના આદેશનું પાલન નહીં થતા ફરી આદેશ
વી ડી ઝાલાવાડિયાને એક્સિડન્ટ કેસમાં વળતર ચૂકવવા કોર્ટે આદેશ કર્યો હતો જેણે તે વળતર ન ચુકવતા કોર્ટે મિલકત જપ્તીનો આદેશ કર્યો છે.  2016માં સરથાણામાં હિરેન લીંબાણીની ટ્રક સાથે બાઇક અથડાતા યુવકનું મોત થયું હતું.  મૃતકના પરિવારે કોર્ટમાં અકસ્માત વળતર મામલે કેસ કર્યો હતો. જેમાં કોર્ટે 24 લાખ 75 હજાર ચૂકવવા હુકમ કર્યો હતો. કોર્ટના આદેશનું પાલન નહીં થતા અરજદારના વકીલે ફરી અરજી કરી હતી જે બાબતે કોર્ટે ફરી મિલકત જપ્તી માટે આદેશ કર્યો હતો.

ઝાલાવાડિયાની મુશ્કેલીઓ વધી
મિલકત જપ્તીના આદેશથી વી.ડી.ઝાલાવાડિયાની મુશ્કેલીઓ વધી છે, ઝાલાવાડિયાએ અગાઉ કોર્ટના વળતરના આદેશનું પાલન ન કર્યું હતું જેને લઈ કોર્ટે મિલકત જપ્તીનો આદેશ કર્યો છે. તમને જણાવી દઈએ કે, હિરેનના પરિવારે 31 લાખનું વળતર માંગ્યું હતું, જેમાં કોર્ટએ ઝાલાવડીયાના પરિવારને 15.49 લાખનું વળતર ચૂકવાવ આદેશ કર્યો હતો. વળતરવાળી વાતને સાત મહિના થઈ ગયા હોવા છતાં પણ વી.ડી. ઝાલાવડીયાએ વળતર ચૂકવ્યા નહીં હોવાથી કોર્ટમાં મિલકત જપ્તી માટે અરજી કરવામાં આવી હતી જેને કોર્ટે મંજૂર કરી આપી હતી.