અભ્યાસ કર્યો / ધોરણ 12 સામાન્ય પ્રવાહની પૂરક પરીક્ષાને લઈને ગાઈડલાઈન, 100માંથી 66 ગુણનું જ મૂલ્યાંકન કરવા આદેશ, જાણો કેમ

• આંકડાશાસ્ત્રના પેપરમાં 66 ગુણનું જ મૂલ્યાંકન થશે!
• 100માંથી 66 ગુણનું જ મૂલ્યાંકન કરવા આદેશ
• પેપરમાં 47 પ્રશ્નમાંથી 16 પ્રશ્ન રદ્દ કરાયા

ધોરણ 12 સામાન્ય પ્રવાહના આંકડાશાસ્ત્ર વિષયની પૂરક પરીક્ષા મામલે મહત્વની અપડેટ સામે આવી છે. 100 ગુણના પ્રશ્નપત્રમાંથી કુલ 66 ગુણનું જ મૂલ્યાંકન કરવાનો આદેશ કરવામાં આવ્યો છે. આંકડાશાસ્ત્રના પેપરમાં 47 પ્રશ્નોમાંથી 16 પ્રશ્નો રદ કરાયા છે. 

31 પ્રશ્નોનું મૂલ્યાંકન કરવાનું રહેશે
આપને જણાવીએ કે, કુલ 31 પ્રશ્નોનું મૂલ્યાંકન કરવાનું રહેશે અને જેના 66 ગુણ થાય છે. આ આંકડાશાસ્ત્રની પૂરક પરીક્ષા 13 જુલાઈએ લેવાઈ હતી જેમાં અભ્યાસક્રમ બહારના પ્રશ્નો પુછાયા હતા. જુના અભ્યાસક્રમ મુજબ સવાલ પુછાતા વિદ્યાર્થીઓ મૂંઝવણમાં મુકાયા હતા. આખરે મધ્યસ્થ મૂલ્યાંકન કેન્દ્ર ખાતે મૂલ્યાંકન કરવા માટે ગાઈડલાઈન આપવામાં આવી હતી. 

ગાઈડલાઈન આપવામાં આવી
આ સમગ્ર મામલે ગાઈડલાઈન આપવામાં આવી છે. જેમાં પ્રશ્નપત્રના વિભાગ A માંથી 2, 8, 9, 10 નંબરના પ્રશ્ન રદ કરાયા જ્યારે વિભાગ B માંથી 12, 19 અને 20 નંબરના પ્રશ્નો રદ કરાયા છે. વિભાગ C માંથી 22, 31 અને 32 નંબરનો પ્રશ્ન રદ કરાયા છે જ્યારે વિભાગ Dમાં 34, 35, 37, 40 નંબરનો પ્રશ્ન રદ કરાયા છે તેમજ વિભાગ Eમાંથી 43 અને વિભાગ F માંથી 47 નંબરનો પ્રશ્ન રદ કરાયો છે. 

66 ગુણનો મૂલ્યાકન કરાશે
અત્રે ઉલ્લેખનીય વાત છે કે, આ પ્રશ્નનો જવાબ વિદ્યાર્થીઓએ લખ્યો હશે તો પણ તેના ગુણભાર આપવામાં આવશે નહી તેવો બોર્ડ દ્વારા જણાવાયું છે. 100 પ્રશ્નોમાંથી 66 ગુણનો મૂલ્યાકન કરવામાં આવશે.