અકલ્પનીય / OMG! આ શું ત્રણ આંખોવાળો સાપ, જે જોઇને તમે પણ થઇ જશો દંગ

ન્યૂ દિલ્હીઃ હાલનાં દિવસોમાં સોશિયલ મીડિયા પર એક સાપની તસ્વીર શેર કરવામાં આવી રહી છે. તે સાપ પોતાની આંખોને કારણ સામાન્ય સાપોથી સહેજ અલગ છે. કેમ કે આપણે સૌએ અત્યાર સુધીમાં બે આંખોવાળા સાપ તો જોયા હશે પરંતુ અહીં જે સાપની વાત કરવામાં આવી રહી છે તેને ત્રણ આંખો છે. પોતાની ત્રણ આંખોને કારણ તે હાલમાં ખાસ ચર્ચામાં છે.

આ સાપ નાર્દર્ન ટેરિટરી પાર્ક્સ એન્ડ વાઇલ્ડલાઇફનાં રેન્જર્સને ઓસ્ટ્રેલિયાનાં નાના શહેર હમ્પટી ડૂની બહારનાં વિસ્તારમાં આ વર્ષનાં માર્ચ મહીનામાં મળ્યો હતો. 16 ઇંચનો આ બેબી કારપેટ પાઇથન (અજગર) છે. જ્યારે આ પાઇથન રેન્જર્સને મળ્યો ત્યારે તેઓ પણ આ જોઇને હેરાન થઇ ગયા હતાં કે આ બેબી પાઇથનને ત્રણ આંખો છે.

જો કે તપાસમાં ખ્યાલ આવ્યો કે આ બેબી પાઇથન સામાન્ય નથી. આને એક સ્કલ છે કે જેની પર ત્રણ આંખો છે, જે બરાબર કામ કરી રહેલ છે. રેન્જર્સે પોતાનાં સોશિયલ મીડિયા પોસ્ટમાં આ સાપને વિશે પણ જાણકારી મેળવવાની સાથે જણાવ્યું હતું કે, આ બેબી પાઇથન વધારે દિવસો સુધી જીવતો ન રહી શકે. કેટલાંક દિવસો બાદ તેનું મોત થઇ ગયું. તે ખાતી વખતે કેટલીક સમસ્યાઓનો સામનો કરી રહ્યો હતો.