મોટા સમાચાર / પાકિસ્તાનમાં બોમ્બ બ્લાસ્ટ, 52ના મોત: બલોચિસ્તાનમાં મસ્જિદ પાસે આવ્યો સુસાઇડ બોમ્બર, 100 લોકો ગંભીર રીતે ઘાયલ

• પાકિસ્તાનના બલોચિસ્તાનમાં એક મસ્જિદ પાસે બોમ્બ વિસ્ફોટ થયો 
• બોમ્બ વિસ્ફોટમાં 52 લોકોના મોત થયા થયા  

પાકિસ્તાનના બલોચિસ્તાનમાં એક મસ્જિદ પાસે બોમ્બ વિસ્ફોટ થયો જેમાં 52 લોકોના મોત થયા હતા. મૃતકોમાં એક પોલીસકર્મી પણ સામેલ છે. આ ઘટના શુક્રવારે મસ્તુંગ જિલ્લામાં બની હતી. બોમ્બ બ્લાસ્ટ ત્યારે થયો જ્યારે લોકો ઈદ મિલાદુન નબીની ઉજવણીમાં વ્યસ્ત હતા. આસિસ્ટન્ટ કમિશનર અતાઉલ્લા મુનિમે જણાવ્યું હતું કે બોમ્બ વિસ્ફોટની અસર વધુ હતી કારણ કે સ્થળ પર ભારે ભીડ હતી.

#UPDATE: At least 25 people (including DSP) Martyred and more than 50 others were wounded in an explosion near a masjid in #Mastung area of #Balochistan during the main procession of #EidMiladUnNabi pic.twitter.com/2h5bobZx1q

— Ghulam Abbas Shah (@ghulamabbasshah) September 29, 2023

એક રિપોર્ટ અનુસાર અલફલાહ રોડ પર મદીના મસ્જિદ પાસે લોકો ઈદ-એ-મિલાદુન નબીના જુલૂસ માટે ભેગા થઈ રહ્યા હતા ત્યારે બ્લાસ્ટ થયો હતો.  વરિષ્ઠ સ્થાનિક પોલીસ અધિકારી જાવેદ લેહરીએ જણાવ્યું હતું કે, "તે આત્મઘાતી હુમલો હોય તેવું લાગે છે." તેમણે કહ્યું કે હુમલાખોરે ડેપ્યુટી સુપરિન્ટેન્ડેન્ટ ઑફ પોલીસ નવાઝ ગિશકોરીના વાહન પાસે પોતાને ઉડાવી દીધો. જો કે કોઈપણ જૂથે હુમલાની જવાબદારી લીધી નથી, જ્યારે તહરીક-એ-તાલિબાન પાકિસ્તાને કોઈપણ સંડોવણીનો ઇનકાર કર્યો છે.

#Pakistan At least four people were died and more than 50 others were wounded in an explosion near a masjid in #Mastung area of #Balochistan during the main procession of Eid Milad-ul-Nabi. pic.twitter.com/eipuYn4HVW

— Ghulam Abbas Shah (@ghulamabbasshah) September 29, 2023

આ બોમ્બ બ્લાસ્ટ શા માટે થયો અને તેની પાછળ કોણ હતું? આનો ખુલાસો હજુ સુધી થયો નથી. મહત્વનું છે કે આ જ જિલ્લામાં મહિનાની શરૂઆતમાં પણ બોમ્બ બ્લાસ્ટ થયો હતો. જેમાં 11 લોકો ઘાયલ થયા હતા. પોલીસે જણાવ્યું કે આ ઘટનામાં લગભગ 130 લોકો ઘાયલ થયા છે. આ આત્મઘાતી હુમલો હોવાનું કહેવાય છે.