- સીએમ યોગી આદિત્યનાથની મોટી જાહેરાત
- જાહેર રસ્તા પર હવે કોઈ નહીં કરી શકે ધાર્મિક કાર્યક્રમ
- જાહેર રસ્તા પર ધાર્મિક કાર્યક્રમ કરનારની સામે કડક પગલાં
યુપી સરકારે એક મોટો નિર્ણય લેતા જાહેર રસ્તા કે શેરી પર કોઈ પણ પ્રકારના ધાર્મિક કાર્યક્રમો પર પ્રતિબંધ મૂકી દીધો છે. ઝાંસીની મુલાકાતે આવેલા સીએમ યોગીએ તાજેતરની લલિતપુર ખાતેની ઘટના અંગે ઊંડો અસંતોષ વ્યક્ત કર્યો હતો અને આ અંગે પોલીસ અધિક્ષક પાસે જવાબ માંગ્યો હતો. તેમણે મોડી કાર્યવાહી અંગે પણ ભારે નારાજગી વ્યક્ત કરી હતી.
ધાર્મિક સ્થળની અંદર જ કાર્યક્રમો ગોઠવો, બહાર નહીં-યોગી
સીએમ યોગી આદિત્યનાથે ધાર્મિક કાર્યક્રમ વિશે કહ્યું કે 'ધાર્મિક સ્થળ પર ધાર્મિક કાર્યક્રમો થવા જોઈએ, જ્યારે મંજૂરી મળે ત્યારે જ સરઘસ યાત્રા કાઢવી જોઈએ.' આ ઉપરાંત શસ્ત્ર સરંજામનું પ્રદર્શન ન થવું જોઈએ, તેને પણ કડક રીતે બંધ કરવા સૂચના આપવામાં આવી હતી. મુખ્યમંત્રી યોગીએ સભાગૃહમાં મુખ્યમંત્રીના અધ્યક્ષ સ્થાને વિકાસ કાર્યો અને કાયદો અને વ્યવસ્થાની સમીક્ષા કરતા પહેલા બુંદેલખંડના પરંપરાગત સાહિત્ય, ઇતિહાસ, કલા સંસ્કૃતિ અને અન્ય વારસાની જાળવણી માટે માંડલ પ્રશાસન દ્વારા કરવામાં આવી રહેલા પ્રયાસો અંગેની પુસ્તિકાનું વિમોચન કર્યું હતું.
માફિયાઓ પર સીએમ યોગીએ જાહેર કર્યો આદેશ
સીએમ યોગીએ પોલીસને માફીયાઓ સામે કાર્યવાહી કરવાની તાકીદનો ઓર્ડર કર્યો છે. સીએમે કહ્યું કે માફિયાઓ પ્રત્યે સહાનુભૂતિ ન હોવી જોઈએ, સામાન્ય માણસ પ્રત્યે સહાનુભૂતિ હોવી જોઈએ. મુખ્યમંત્રીએ એ પણ સુનિશ્ચિત કરવા જણાવ્યું હતું કે ધાર્મિક સ્થળોએ લગાવવામાં આવેલા લાઉડસ્પીકરો જે બંધ કરવામાં આવ્યા છે તે ફરીથી સ્થાપિત ન થાય. સાથે જ મુખ્યમંત્રીએ એ વાતનું પણ ધ્યાન રાખવાની સલાહ આપી કે અવાજને પરિસરની બહાર ન જવા દેવામાં આવે.
