IND vs WI / હાર્દિક પંડ્યાને ચેલેન્જ આપવી ભારે પડી: બે સિક્સર ફટકાર્યા બાદ નિકોલસ પૂરને સોશ્યલ મીડિયા લીધી મજા

• ટીમ ઈન્ડિયા  વેસ્ટ ઈન્ડિઝ સામે 5મી T20માં 8 વિકેટે હારી
• ટીમ ઈન્ડિયા 3-2થી સીરિઝ પણ હારી ગઈ હતી
• હાર્દિક અને પૂરન વચ્ચે થયું હતું શાબ્દિક યુદ્ધ

Hardik Pandya VS Nicholas Pooran : ભારતીય ક્રિકેટ ટીમ વેસ્ટ ઈન્ડિઝ સામે 5મી T20માં 8 વિકેટે હારી ગઈ. આ સાથે ટીમ ઈન્ડિયા 3-2થી સીરિઝ પણ હારી ગઈ હતી. સતત 12 સીરીઝ બાદ આ પ્રથમ વખત છે જ્યારે ટીમ ઈન્ડિયા કોઈ સીરીઝમાં હારી હોય. સાથે જ હાર્દિક પંડ્યાની કેપ્ટનશીપમાં ટીમ ઈન્ડિયાનો આ રેકોર્ડ એક જ ઝાટકે તૂટી ગયો હતો. 

હાર્દિક પંડ્યા મેદાન પર ગમે ગમે તે રીતે રમે પણ મેચ પહેલા અને બાદમાં હાથમાં માઈક આવતાની સાથે જ તે મોટી-મોટી વાતો બોલવા લાગે છે અને આ વાતો ઘણી વખત તેને ટ્રોલિંગનો શિકાર બનાવે છે.  આવું જ કંઈક ભારત અને વેસ્ટ ઈન્ડિઝ વચ્ચેની પાંચમી T20I પછી થયું. આ વખતે હાર્દિકને મેદાનમાં જ નહીં તેની બહાર પણ જોરદાર જવાબો મળ્યા અને જવાબ આપનાર વેસ્ટ ઈન્ડિઝનો વિકેટ કીપર બેટ્સમેન પૂરન હતો.

પૂરને હાર્દિકનો મજાક બનાવ્યો
નિકોલસ પૂરને ભારત સામેની T20I સિરીઝમાં જોરદાર સ્કોર કર્યો હતો. પ્લેયર ઓફ ધ સિરીઝ તરીકે ચૂંટાયેલા પુરને આ સિરીઝમાં 184 રન બનાવ્યા હતા.  સિરીઝની પાંચ મેચમાં તેને 41, 67, 20, 1 અને 47 રનની ઇનિંગ્સ રમી હતી. પુરને ભારતીય બોલરોને ઘણી પરેશાન કરી હતી.અને પાંચમી મેચમાં બેટિંગ કર્યા બાદ પૂરને સોશિયલ મીડિયા પર પણ હાર્દિકનો મજાક બનાવ્યો હતો. 

 

 

 

 

View this post on Instagram

 

 

 

 

 

 

 

 

 

 

 

A post shared by Nicholas Pooran (@nicholaspooran)

હાર્દિક અને પૂરન વચ્ચે શાબ્દિક યુદ્ધ
વાત એમ છે કે બંને વચ્ચે શાબ્દિક યુદ્ધની શરૂઆત હાર્દિક પંડ્યાએ કરી હતી અને નિર્ણાયક મેચમાં નિકોલસ પૂરન દ્વારા તેનો અંત આવ્યો હતો. વાસ્તવમાં ત્રીજી T20 મેચમાં જીત બાદ હાર્દિકે પુરનને પડકાર ફેંક્યો હતો અને પુરને છેલ્લી મેચમાં હાર્દિકના આ પડકારનો જડબાતોડ જવાબ આપ્યો હતો. સીરિઝની ત્રીજી ટી-20 મેચ બાદ હાર્દિકે પુરનને પડકાર ફેંકતા કહ્યું કે, 'પૂરન બેટિંગ કરવા મોડો આવે તો અમારા માટે અમારા બોલરોને અટેક પર લગાવવામાં સરળતા રહી. જો નિકીને એટેકિંગ રમવું હોય તો મારી સામે રમો, એ જ પ્લાન હતો. મને આવી સ્પર્ધાઓ ગમે છે. હું જાણું છું કે આ મારી વાત સાંભળશે અને આગામી મેચમાં મને હરાવવાનો પ્રયાસ કરશે.

જોકે ચોથી મેચમાં આવું થઈ શક્યું ન હતું પણ પાંચમી મેચમાં પુરને હાર્દિકને જડબાતોડ જવાબ આપ્યો હતો. તેણે હાર્દિકના બોલ પર સતત બે સિક્સર ફટકારી હતી. જો કે આ બાદ પૂરને તેના ઈન્સ્ટાગ્રામ પર હાર્દિકની સ્ટોરી મૂકીને મજાક પણ ઉડાવી હતી.