- ભારત સહિત સમગ્ર વિશ્વમાં નવા વર્ષની ધામધૂમથી ઉજવણી કરાઈ છે
- ભારતના ઘણા પડોશી દેશો છે જે 1 જાન્યુઆરીએ નવું વર્ષ ઉજવતા નથી
- ચાઇનીઝ નવું વર્ષ 20 જાન્યુઆરી અને 20 ફેબ્રુઆરીની વચ્ચે આવે છે
સમગ્ર વિશ્વ હાલમાં નવા વર્ષની રાહ જોઈ રહ્યું છે. લોકો હવે વર્ષ 2023ને અલવિદા કહેવા લાગ્યા છે. કહેવાય છે કે નવું વર્ષ પોતાની સાથે નવી આશાઓ, નવા સંબંધો અને નવી તકો લઈને આવે છે. આ જ કારણ છે કે લોકો નવા વર્ષની શુભકામનાઓ સાથે એકબીજાને શુભકામનાઓથી ભરેલા સંદેશાઓ મોકલે છે. પરંતુ તમને જાણીને નવાઈ લાગશે કે ભારતના ઘણા પડોશી દેશો છે જે 1 જાન્યુઆરીએ નવું વર્ષ ઉજવતા નથી. નવા વર્ષની પૂર્વ સંધ્યાએ ઉત્સવનું વાતાવરણ છે અને ઘણી જગ્યાએ પાર્ટીઓનું આયોજન કરવામાં આવે છે. ગ્રેગોરિયન કેલેન્ડર મુજબ 1 જાન્યુઆરીએ નવું વર્ષ ઉજવવામાં આવે છે અને આ કેલેન્ડર વિશ્વમાં પ્રચલિત છે. ચાલો જાણીએ કે કયા દેશોમાં આ દિવસે નવું વર્ષ ઉજવવામાં આવતું નથી. સાઉદી અરેબિયા અને UAE સહિતના મોટાભાગના દેશો ઇસ્લામિક કેલેન્ડર મુજબ નવા વર્ષની ઉજવણી કરે છે. ઇસ્લામિક નવું વર્ષ અથવા રાસ-સનાહ અલ-હિજરિયાની તારીખ દર વર્ષે બદલાય છે. એવું માનવામાં આવે છે કે આ દિવસે પયગંબર મોહમ્મદ મક્કાથી મદીના ગયા હતા.
ચીન
ચીનમાં માત્ર ચંદ્ર આધારિત કેલેન્ડર માનવામાં આવે છે. તમને જાણીને નવાઈ લાગશે કે ચીનમાં દર ત્રણ વર્ષે તેને સૂર્ય આધારિત કેલેન્ડર સાથે મેચ કરવામાં આવે છે. ચાઇનીઝ નવું વર્ષ 20 જાન્યુઆરી અને 20 ફેબ્રુઆરીની વચ્ચે આવે છે.
થાઈલેન્ડ
વિશ્વભરના લોકોનો પ્રિય દેશ થાઈલેન્ડ પણ 1 જાન્યુઆરીએ નવું વર્ષ ઉજવતું નથી. અહીં નવું વર્ષ 13 અથવા 14 એપ્રિલે ઉજવવામાં આવે છે. થાઈ ભાષામાં તેને સોંગક્રાન કહે છે. આ દિવસે લોકો એકબીજાને ઠંડા પાણીથી સ્નાન કરાવે છે.
વાંચવા જેવું : eKYC / 1 જાન્યુઆરીથી સિમ કાર્ડ ખરીદવા માટે કરવું પડશે નવા નિયમોનું પાલન, ફ્રોડ રોકવા માટે સરકારે કર્યા અનેક ફેરફાર
રશિયા અને યુક્રેન
ભારતના મિત્ર દેશો રશિયા અને યુક્રેનના લોકો પણ પહેલી તારીખે નવું વર્ષ ઉજવતા નથી. આ બંને દેશોમાં નવું વર્ષ 14 જાન્યુઆરીએ ઉજવવામાં આવે છે.
શ્રિલંકા
શ્રીલંકામાં પણ નવું વર્ષ એપ્રિલના મધ્યમાં ઉજવવામાં આવે છે. નવા વર્ષના પ્રથમ દિવસને અલુથ કહેવામાં આવે છે. આ દિવસે લોકો કુદરતી વસ્તુઓ ભેળવીને સ્નાન કરે છે.
વાંચવા જેવું : પહેલી જાન્યુઆરીએ જ કેમ ઉજવવામાં આવે છે ન્યૂયર? ક્યારે અને કોણે કરાવી હતી શરૂઆત, જાણો શું છે રહસ્ય
