- મુંબઈ ઈન્ડિયન્સ ફ્રેન્ચાઇઝીએ પોતાના જ એક ખેલાડીને સજા કરી
- વાયરલ થયો નેહલ વાઢેરાનો વિડીયો
- મુંબઈ ઈન્ડિયન્સે કરી સ્પષ્ટતા
IPL 2023ની આ સિઝન તેના છેલ્લા અઠવાડિયામાં પહોંચી ગઇ છે. એવામાં તમને જણાવી દઈએ કે મુંબઈ ઈન્ડિયન્સની ટીમે અત્યાર સુધી 12 મેચ રમી છે જેમાંથી તેણે સાતમાં જીત મેળવી છે અને એ સાતે જ 14 પોઈન્ટ સહિત રોહિત શર્માની આગેવાની હેઠળની ટીમ પોઈન્ટ ટેબલમાં હાલમાં ત્રીજા સ્થાને છે. નોંધનીય છે કે હવેની મેચમાં મુંબઈ 16 મેના રોજ લખનૌ સુપર જાયન્ટ્સ સામે ટકરાશે. આ બધા વચ્ચે મુંબઈના કેમ્પમાંથી એક વિચિત્ર સમચર સામે આવ્યા છે જએ મુજબ ફ્રેન્ચાઇઝીએ પોતાના જ એક ખેલાડીને સજા કરી છે.
વાયરલ થયો નેહલ વાઢેરાનો વિડીયો
જણાવી દઈએ કે મુંબઈ ઈન્ડિયન્સે પોતે જ આ ઘટનાનો વીડિયો પોતાના ઓફિશિયલ ટ્વિટર હેન્ડલ પર શેર કર્યો છે. હાલ આ વિડીયો ઘણો વાયરલ થઈ રહ્યો છે જેમાં મુંબઈ ઈન્ડિયન્સનો એક ખેલાડી નેહલ વાઢેરા એરપોર્ટ પર પેડ પહેરેલી જોવા મળે છે. વાયરલ થયેલ આ વિડીયોમાં જોઇ શકાય છે કે નેહલ વાઢેરા પેડ પહેરીને અને તેની ટ્રોલી બેગ લઈને એરપોર્ટમાં પ્રવેશી રહ્યો છે.
મુંબઈ ઈન્ડિયન્સે કરી સ્પષ્ટતા
જણાવી દઈએ કે મુંબઈ ઈન્ડિયન્સે પણ પોતાના ટ્વીટમાં આ પાછળની આખી ઘટના વિશે માહિતી આપતા કહ્યું કે નેહલે કેટલીક એવી ભૂલ કરી હતી જેની સજા તરીકે તેને આ કરવું પડ્યું. આ સાથે જ ફ્રેન્ચાઇઝી દ્વારા શેર કરવામાં આવેલા વિડીયોમાં તે એરપોર્ટની અંદર પેડ પહેરીને ચાલતો જોવા મળે છે અને સાથી ખેલાડીઓ તેના પર હસતા જોવા મળે છે.
વાત એમ છે કે નેહલ વાઢેરા બેટ્સમેનોની ટીમ મીટિંગમાં મોડો પહોંચ્યો હતો અને ફ્રેન્ચાઈઝીએ તેને આ ફની રીતે સજા આપી હતી. જણાવી દઈએ કે નેહલને મિની ઓક્શનમાં 20 લાખની બેઝ પ્રાઈસમાં ટીમમાં સામેલ કરવામાં આવ્યો હતો. ગુજરાત સામેની છેલ્લી મેચમાં તેને સ્પોન્સર કાર પર સિક્સર મારવા બદલ પાંચ લાખનું ઇનામ પણ મળ્યું હતું.
તેને 10 મેચની 7 ઇનિંગ્સમાં 198 રન બનાવ્યા છે અને સ્ટ્રાઈક રેટ 150થી ઉપર છે. આ સિઝનમાં બે અડધી સદી પણ ફટકારી છે અને 18 ચોગ્ગા અને 10 છગ્ગા પણ ફટકાર્યા છે.
