રહસ્ય! / CM યોગીના હમશકલની ઘાતકી હત્યા, અખિલેશ યાદવના હતા સ્ટાર પ્રચારક, ચહેરો એવો હતો કે ઓળખવો મુશ્કેલ

• સમાજવાદી પાર્ટીના પ્રચારક રહી ચૂકેલા સુરેશકુમાર યોદ્ધાનું મોત
• અખિલેશ યાદવે ટ્વિટ કરીને શ્રદ્ધાંજલિ પાઠવી 
• હત્યારાને સજા કરવાની કરી માંગ

યુપી વિધાનસભા ચૂંટણી 2022 માં સમાજવાદી પાર્ટીના પ્રચારક રહી ચૂકેલા સુરેશકુમાર યોદ્ધા જે ડુપ્લિકેટ યોગીના નામે જાણીતા હતા. તેમને ઢોર માર મારી મોતને ઘાટ ઉતારી દેવામાં આવ્યા છે. ઉન્નાવ જિલ્લાના રહેવાસી સુરેશ કુમારના મોત મામલે સમાજવાદી પાર્ટીના પ્રમુખ અખિલેશ યાદવે ટ્વિટ કરીને શ્રદ્ધાંજલિ પાઠવી છે. અખિલેશ યાદવે દુઃખ વ્યક્ત કરતા જણાવ્યું કે સપાના પ્રચારક તરીકે પોતાની અલગ ઓળખ ઊભી કરનાર સુરેશ કુમારના નિધનની ઘટના અત્યંત દુઃખદાયક છે. ગુનેગારો સામે વહેલી તકે કડકમાં કડક કાર્યવાહી કરવામાં આવે તેવી સરકારને અપીલ કરી છે. બીજી બાજુ પોલીસ દ્વારા હત્યા નહિ હાર્ટએટેકને પગલે મોત થયું હોવાનો ઉલ્લેખ કરાઈ રહ્યો છે.

सपा के प्रचारक के रूप में अपनी एक अलग पहचान बनाने वाले सुरेश ठाकुर की पीट-पीट कर हत्या की घटना अत्यंत हृदय विदारक है।

सरकार से अपील है कि वह जल्द से जल्द दोषियों के खिलाफ उचित कार्यवाही सुनिश्चित करे।

भावभीनी श्रद्धांजलि। pic.twitter.com/cK0MmaP81P

— Akhilesh Yadav (@yadavakhilesh) August 11, 2023

સુરેશને તેના પાડોશીઓ દ્વારા નિર્દયતાથી માર મારવામાં આવ્યો

ઉન્નાવ જિલ્લાના સોહારામાંઉ પોલીસ મથકના ચોપાઈ ગામના રહેવાસી સુરેશકુમારના નિધન પર પત્નીએ કહ્યું હતું કે ગત તા. 28 જુલાઈના રોજ સુરેશને તેના પાડોશીઓ દ્વારા નિર્દયતાથી માર મારવામાં આવ્યો હતો. જેને લઇને સુરેશને ગંભીર ઈજા થતા તેને તાત્કાલિક સારવાર માટે હોસ્પિટલ ખાતે ખસેડવામાં આવ્યો હતો. જ્યાં પ્રાથમિક સારવાર આપ્યા બાદ રજા આપી દેવામાં આવી હતી. આ દરમિયાન ગત ગુરુવારે સુરેશની તબિયત અચાનક બગડતા તેને તાત્કાલિક સારવાર માટે હોસ્પિટલ ખસેડાયો હતો. જ્યા ફરજ પરના તબીબે સુરેશનું મૃત્યુ થયું હોવાની સત્તાવાર માહિતી આપી હતી.

સુરેશ કુમારની પત્નીએ ઉન્નાવ પોલીસ પર ગંભીર આરોપ લગાવ્યા છે. પોલીસ આરોપી સાથે મિલીભગત કરી રહી હોવાનું કહ્યું છે. તેના જણાવ્યા અનુસાર હુમલા બાદ પોલીસ સ્ટેશનમાં ફરિયાદ કરી હતી, પરંતુ પોલીસે કોઈ કાર્યવાહી કરી ન હતી.

સુરેશ કુમાર યુપીના મુખ્યમંત્રી યોગી આદિત્યનાથ જેવા દેખાતા હતા

બીજી બાજુ પોલીસ સૂત્રોમાંથી એવું જણાવવામાં આવી રહ્યું છે. કે સુરેશનું મોત પોસ્ટમોર્ટમ રિપોર્ટમાં હાર્ટ એટેકના કારણે થયું હોવાનું જાણવા મળ્યું છે અને માર મારવાથી મોત થયું તે વાત ખોટી હોવાનો પોલીસ અધિકારીઓ દ્વારા દાવો કરવામાં આવ્યો હતો. નોંધનિય છે કે સુરેશ કુમાર યુપીના મુખ્યમંત્રી યોગી આદિત્યનાથ જેવા દેખાવને કારણે ડુપ્લિકેટ યોગી તરીકે પણ ઓળખાતા હતા.