Tuesday, July 16, 2019
સબસ્ક્રાઈબ કરો VTVGujarati ન્યુઝ Whatsapp

આસ્થા / મુંબઇ વાસીઓને ધનવાન બનાવી રાખે છે આ દેવી, દિવસ સાથે બદલાય છે તેમણુ વાહન

મુંબઇ વાસીઓને ધનવાન બનાવી રાખે છે આ દેવી, દિવસ સાથે બદલાય છે તેમણુ વાહન

દેશની આર્થિક રાજધાની અને સપનાનું શહેર કહેવાય છે મુંબઇ. આ શહેરમાં પોતાનું સ્થાન મેળવવાનું આકર્ષણ દેશના લોકોની સાથે વિદેશીઓમાં પણ જોવા મળે છે. બોલિવુડમાં સતત વધતી વિદેશી કલાકારોની સંખ્યા આ વાતની સાબિતી આપે છે. મુંબઇ શહેર વસ્યુ ત્યારે શરૂઆતમાં અહીં માછીમારોની વસ્તી હતી. આ શહેરે જે સ્થાન આજે મેળવ્યુ છે, તેમાં મુંબા દેવાની કૃપા માનવામાં આવે છે. 

આજેનું ઝળહળતું મુંબઈ શહેર એક જમાનામાં ઉજ્જડ હતું. પછી અહીં માછીમારો આવીને વસ્યા.માછીમારોએ સમુદ્રમાં આવતા તોફાનથી બચાવા માટે એક દેવીના મંદિરની સ્થાપના કરીને જેને મુંબા દેવીના નામથી ઓળખવામાં આવે છે. મુંબા દેવીના નામ પરથી તો મુંબઇ શહેરનું નામકરણ થયુ. 

મુંબા દેવીને ધન અને ઐશ્વર્યની દેવી મા લક્ષ્મીનું રૂપ માનવામાં આવે છે.  . આસ્થા છે કે આ માતાની કૃપાના લીધે જ મુંબઈ દેશની આર્થિક રાજધાની બની શક્યુ છે.મા મુંબા દેવીને મુંબઈની ગ્રામદેવી તરીકે પૂજવામાં આવે છે. અહી દરેક શુભ કામ કરતા પહેલા માતાજીની પૂજા-અર્ચના કરી  આશીર્વાદ લેવામાં આવે છે. 

મા મુંબાનું વાહન દરરોજ બદલાય છે. કહેવાય છે કે દિવસ પ્રમાણે વાહનની પસંદગી થાય છે. સોમવારે મા નંદી પર સવાર થાય છે. તો મંગળવારે હાથીની સવારી કરે છે. બુધવારે કૂકડો તો ગુરુવારે ગરુડ પર મા સવાર થાય છે. શુક્રવારે સફેદ હંસ પર તો શનિવારે ફરીથી હાથીની સવારી કરે છે. તો રવિવારે માતાનું વાહન સિંહ હોય છે. 

મા મુંબા દરરોજ જે વાહનો પર સવારી કરે છે તેનું નિર્માણ ચાંદીથી કરાવાયુ છે. આ મંદિરમાં દરરોજ 6 વખત આરતી થાય છે. આરતીનો સમય અલગ-અલગ છે. આ દરમિયાન મંદિરની ભવ્યતા જોવા જેવી હોય છે. 

મા મુંબા દેવીના દર્શન માટે દૂર-દૂરથી લોકો આવે છે. શ્રદ્ધાળુઓ મા પાસે સાચા મનથી જે માનતા માને છે. તે મુંબા દેવી પૂરી કરે છે. અહીં સિક્કા પર લાકડીથી ખીલી ઠોકીને બાધા રાખવામાં આવે છે. દર મંગળવારે મુંબા દેવીના દર્શનને વિશેષ માનવામાં આવે છે. આ દિવસે  અહીં ખૂબ ભીડ હોય છે. 

એક લોકવાયકા અનુસાર, અષ્ટભુજા મા મુંબા દેવીને બ્રહ્માજીએ પોતાની શક્તિથી પ્રગટ કર્યા છે. જ્યારે સ્થાનિક લોકોએ મુંબારક નામના એક રાક્ષસથી પરેશાન થઇને બ્રહ્માજીને પ્રાર્થના કરી તો તેમણે મુંબા દેવીને પ્રગટ કરી રાક્ષસનો સંહાર કરાવ્યો. ત્યાર બાદ માના એક ભવ્ય મંદિરનું નિર્માણ કરવામાં આવ્યું અને મુંબારકનો સંહાર કરનારી માતાનું નામ મુંબા દેવી રાખવામાં આવ્યુ છે.

જોવા જેવું વધુ જુઓ

બ્રેકિંગ ન્યૂઝ