VIDEO / IPL મોડી થતા ધોની ચેન્નાઇથી ઘર રવાના થયો, નિરાશ ફેન્સને આ રીતે કર્યા ખુશ

મીડિયા રિપોર્ટ્સ અનુસાર, ધોનીના ચેન્નાઇ છોડવાના કારણે તેના ફેન્સની આંખોમાં પાણી આવી ગયા હતા. જોકે હવે ધોની ક્યારે પરત ફરશે તે અંગે કોઇ માહિતી સામે આવી નથી. 

ચેન્નાઇ સુપરકિંગ્સ (CSK) ના કેપ્ટન ચેન્નાઇની પરત જવાના નિર્ણય પર ટીમ દ્વારા ટ્વીટ કરવામાં આવ્યુ છે. ટીમના ટ્વીટર હેન્ડલ પર ધોનીનો વીડિયો શૅર કરીને લખવામાં આવ્યુ છે કે, ''સર આ તમારું ઘર બની ગયું છે. થલા, ધોની પોતાની ગુફાને અલવિદા કહીને પરત જઇ રહ્યા છે.''

"It has become your home sir!" Keep whistling, as #Thala Dhoni bids a short adieu to #AnbuDen. 🦁💛 pic.twitter.com/XUx3Lw4cpH

— Chennai Super Kings (@ChennaiIPL) March 14, 2020

ઉલ્લેખનીય છે કે, 13મી સિઝનની શરૂઆત પહેલા ધોની પ્રેક્ટિસ માટે 2 માર્ચે ચેન્નાઇ પહોંચી ગયો હતો. ધોનીએ એક મહિના પહેલાથી જ ટૂર્નામેન્ટ માટે તૈયારી શરૂ કરી દીધી હતી. કેપ્ટન કૂલ બેટિંગની સાથે વિકેટકીપિંગ માટે પણ પ્રેક્ટિસ કરતો નજર પડ્યો હતો, જે તેના સ્વભાવથી વિપરિત છે.

નોંધનીય છે કે, આ પાછળનું કારણ ધોનીનું ટીમમાં કમબેક થાય તે માટે કરવામા આવી રહ્યુ છે. સામાન્ય રીતે ધોની નેટમાં વિકેટ કિપિંગ માટે પ્રેક્ટિસ કરતો જોવા મળતો નથી. 

તો બીજી તરફ BCCIએ ઇન્ડિયન પ્રીમિયર લીગ 2020ને કોરોનાવાઇરસના કારણે પોસ્ટપોન્ડ કરી છે. ટૂર્નામેન્ટ હવે 29 માર્ચની જગ્યાએ 15 એપ્રિલે શરૂ થશે. ફ્રેન્ચાઈઝને આ અંગે જાણકારી આપવામાં આવી છે. BCCIના એક અધિકારીએ એક ન્યુઝ ચેનલને કહ્યું કે, ટૂર્નામેન્ટ યોજાવવાની આ જ સાચી રીત છે. આ પહેલા કેન્દ્ર સરકારે 13 માર્ચથી 15 એપ્રિલ સુધી તમામ વિઝા રદ્દ કરી દીધા છે. માત્ર ડિપ્લોમૅટિક અને એમ્પ્લોયમેન્ટ વિઝાને જ મંજૂરી આપવામાં આવી છે. ખેલાડીઓને બિઝનેસ વિઝા મળે છે. તેવામાં તેઓ ભારત આવી શકે નહીં. 8 ટીમોના કુલ 60 વિદેશી ખેલાડીઓ 15 એપ્રિલ સુધી ભારત આવી શકશે નહીં.