નિવદેન / ધોનીના સંન્યાસ પર રવિ શાસ્ત્રીનું નિવેદન, 'માહી પાસે છે નિર્ણય લેવાનો પાવર'

• જ્યારે ટીમની વાત આવે છે ત્યારે ધોની વિચાર રાખે છે: રવિ શાસ્ત્રી 
• '15 વર્ષથી દેશ માટે રમી રહેલા ધોનીને ખબર છે કે તેને ક્યારે સંન્યાસ લેવાનો છે'

આ સિવાય એક ઇન્ટરવ્યૂમાં રવિ શાસ્ત્રીએ જણાવ્યુ કે, ''જ્યારે પણ ટીમની વાત આવે છે ત્યારે ધોની હંમેશા પોતાના આઇડિયા અને વિચાર રાખવા માટે તૈયાર રહે છે. હમણા થોડા સમય પહેલા જ રાંચી ટેસ્ટના છેલ્લા દિવસે ડ્રેસિંગ રૂમમાં આવ્યો અને તેણે શાહબાઝ નદીમની સાથે વાત કરી. જે ખેલાડી પોતાના હોમ ગ્રાઉન્ડમાંથી ડેબ્યૂ કરી રહ્યો હોય તેના માટે આનાથી વધારે મોટિવેશન કયું હોઇ શકે? એમ.એસ.ધોનીએ પોતાની રમતથી અધિકાર મેળવ્યો છે અને તે પોતે નિર્ણય કરી શકે છે કે ક્યારે રિટાયર થઇ શકે છે. હવે આ મુદ્દાનો અંત આવવો જોઇએ.''

મહેન્દ્ર સિંહ ધોની પર રવિ શાસ્ત્રીનું નિવેદન સિલેક્ટર્સથી અલગ છે. આ પહેલા BCCIના ચીફ સિલેક્ટર્સ એમ.એસ.કે પ્રસાદે કહ્યુ કે, ''હવે અમે ધોનીથી આગળ વધી ગયા છીએ, વર્લ્ડ કપ પછી અમે સ્પષ્ટ છીએ. આગામી વર્લ્ડ કપ માટે અમારું ધ્યાન માત્ર યુવાઓ પર છે.અત્યારે ધોની પછી પંત અમારો ફર્સ્ટ ચોઈસ કીપર છે. આગામી T-20 વર્લ્ડ કપ માટે અમારું પૂરું ધ્યાન પંત ઉપર જ છે.આ સમયે પંત સારું પ્રદર્શન કરી રહ્યો છે. બીજી તરફ સેમસન પણ મજબૂત રીતે પોતાની દાવેદારી રજૂ કરી રહ્યો છે. મને વિશ્વાસ છે કે તમે અમારા ભવિષ્ય માટે યુવાઓને તૈયાર કરવાના વિચારને સારી રીતે સમજી ગયા છો.''

ધોનીના સંન્યાસ લઇને કહ્યુ કે,''આ તેનો પોતાનો વ્યક્તિગત નિર્ણય છે. તે ઘરેલુ ક્રિકેટ રમે કે પછી નિવૃત્તિ લે, તે તેનો વ્યક્તિગત નિર્ણય છે. અમે ભારતીય ટીમ માટેનો રોડમેપ તૈયાર કરી ચૂક્યા છીએ.''