આગાહી / ભારે વરસાદની આગાહીને પગલે તંત્રએ દરિયા કિનારે જાહેર કર્યુ અલર્ટ, આ જિલ્લાઓ માટે આગામી દિવસ ભારે

• 9 ઓગસ્ટે બંગાળની ખાડીમાં બની રહી છે લો પ્રેશર સિસ્ટમ 
• માછીમારોને 2 દિવસ દરિયો ન ખેડવા સૂચના
• બંદરો માટે 3 નંબરનું સિગ્નલ
   

રાજ્યમાં દક્ષિણ ગુજરાત અને સૌરાષ્ટ્રમાં સારો વરસાદ પડ્યો છે. ત્યારે હવામાન વિભાગે જણાવ્યું કે આજે પણ સૌરાષ્ટ્ર અને કચ્છમાં વરસાદ થઈ શકે છે. તો દક્ષિણ ગુજરાતમાં પણ ભારે વરસાદ વરસી શકે છે. અમરેલી, ગીર-સોમનાથ, પોરબંદરમાં ભારે વરસાદ થાય તેવી શક્યતા છે. 

હવામાન વિભાગે આગાહી કરતા કહ્યું કે 9મી ઓગસ્ટે પણ બંગાળની ખાડીમાં લો પ્રેશર સિસ્ટમ બની રહી છે. અને તે આગામી દિવસોમાં અમદાવાદ, ગાંધીનગર, અને વડોદરામાં વરસાદ લાવી શકે છે.  તો 9 ઓગસ્ટથી પણ સાર્વત્રિક વરસાદ નોંધાઈ શકે છે. સાથે જ માછીમારોને બે દિવસ સુધી દરિયો ન ખેડવા માટે સૂચના આપી છે.

માછીમારોને 2 દિવસ દરિયો ન ખેડવા સૂચના

માછીમારોને 8થી 12 તારીખ સુધી દરિયો ન ખેડવા માટે હવામાન વિભાગ દ્વારા ચેતવણી આપવામાં આવી છે. 

વધુ વરસાદ ની આગાહીને પગલે તંત્રનુ અલર્ટ

દેવભૂમિ દ્વારકા જિલ્લાના બંદરો પર અલર્ટ  જાહેર કરવામાં આવ્યું છે. સમુદ્ર કિનારે 3 નંબરનું સિગ્નલ લગાવાયુ છે. ગુજરાત મેરિટાઇમ બોર્ડે બંદરો પર સિગ્નલ લગાવ્યું છે. ઓખા બંદર પર લગાવાયું 3 નંબરનું સિગ્નલ છે. ઓખા,વાડીનાર અને સલાયા બંદર પર સિગ્નલ લગાવાયા છે. 

 

 

ક્યાં ક્યાં થશે વરસાદ

• સૌરાષ્ટ્ર અને દ.ગુજરાતમાં ભારે વરસાદની આગાહી
• સુરત, વલસાડ, નવસારીમાં ભારે વરસાદની આગાહી
• અમરેલી, ગીર સોમનાથ, પોરબંદરમાં ભારે વરસાદ રહેશે
• અમદાવાદ, ગાંધીનગર, વડોદરામાં સામાન્ય વરસાદની સંભાવના

અમદાવાદમાં મેઘરાજાનું આગમન થઇ ચૂક્યું છે. બંગાળની ખાડીમાં લો પ્રેસરની અસરથી શહેરના અનેક વિસ્તારોમાં વરસાદ પડ્યો છે. જેમાં શહેરના પાલડી, વાસણા, બોપલ, આંબાવાડી સહિતના વિસ્તારોમાં વરસાદ પડ્યો છે.#Rainingujarat #Ahmedabad #GujaratRains #WeatherUpdate pic.twitter.com/aJLzCRd0Gj

— VTV Gujarati News and Beyond (@VtvGujarati) August 8, 2020