વડોદરા / ગણેશ વિસર્જન દરમિયાન ડાન્સ કરતા નજરે પડ્યા મંત્રી રાજેન્દ્ર ત્રિવેદી, Video થયો વાયરલ

• વડોદરામાં મંત્રી રાજેન્દ્ર ત્રિવેદીનો વીડિયો વાયરલ
• ગણેશ વિસર્જનના પ્રસંગમાં ડાન્સ કરતા વીડિયો વાયરલ
• મહેતા પોળ યુવક મંડળના ગણેશ વિસર્જન યાત્રામાં કર્યો હતો ડાન્સ

વડોદરા મંત્રી રાજેન્દ્ર ત્રિવેદીનો ડાન્સ કરતો વીડિયો વાયરલ  થયો છે. મહેતા પોળ યુવક મંડળ દ્વારા ગણેશ મહોત્સવનું આયોજન કરવામાં આવ્યું હતું. જેની વિસર્જન યાત્રામાં મંત્રી રાજેન્દ્ર ત્રિવેદી જોડાયા હતા. જ્યાં કાયદા અને ન્યાય તંત્ર, વૈધાનિક અને સંસદીય બાબતો તથા આપત્તિ વ્યવસ્થાપન મંત્રી રાજેન્દ્ર ત્રિવેદીએ ગણેશ વિસર્જન વેળાએ દર્શન અને પૂજન અર્ચન બાદ ઢોલ, નગારા અને ડીઝેના તાલે ડાન્સ કર્યો હતો. જેમાં મોટી સંખ્યામાં લોકો જોડાયા હતા.આ તકે જેમાં 'વાતો કરે વાયડા કરી બતાવે ભાયડા' ગીતના ચાલે ડાન્સ કરતાં મંત્રી રાજેન્દ્ર ત્રિવેદીનો વીડિયો સોશિયલ મીડિયામાં વાયરલ થયો હતો. જુઑ વીડિયો... 

અગાઉ ધારાસભ્ય મધુ શ્રીવાસ્તવ પણ ડાન્સ કરતા જોવા મળ્યા હતા 
મહત્વનું છે કે આશરે એક માસ અગાઉ ધારાસભ્ય મધુ શ્રીવાસ્તવનો નૃત્ય કરતો વિડીયો વાયરલ થયો હતો. આદિવાસી દિવસ નિમિત્તે વાઘોડિયાની મુખ્ય બજારમાં તીરકામઠા સાથે મધુ શ્રીવાસ્તવે આદિવાસી નૃત્ય પણ કર્યું હતું. જે વેળાએ હાથમાં તીરકામઠું પકડી નૃત્ય કરતા ધારાસભ્ય મધુ શ્રીવાસ્તવનો વીડિયો સોશિયલ મીડિયા વાયરલ થયો હતો.