- લોકોમાં શકુન અપશકુન મામલે અનેક માન્યતાઓ
- દૂધને શુભ અને અશુભ સંકેતો સાથે સરખાવવામાં આવે છે
- દૂધ છલકાઈને જમીન પર પડે તો તે ખૂબ જ અશુભ
આજના સમયમાં પણ શકુન અપશકુન મામલે અનેક માન્યતાઓ પ્રવર્તે છે. શકુન શાસ્ત્ર અનુસાર મનુષ્ય જીવનમાં જે કાંઈ નાની-નાની બાબતો બને છે તે મોટું મહત્વ ધરાવે છે. શકુન શાસ્ત્રમાં ઘણી એવી વસ્તુઓ છે જેને શુભ માનવામાં આવે છે તો કેટલીક એવી વસ્તુઓ છે જેને અશુભ માનવામાં આવે છે. જેમાં ખાસ દૂધને શુભ અને અશુભ સંકેતો સાથે સરખાવવામાં આવે છે. શકુન શાસ્ત્ર અનુસાર ઉકળતું દૂધ છલકાઈને જમીન પર પડે તો તે ખૂબ જ અશુભ માનવામાં આવે છે. ત્યારે આવો જાણીએ વિસ્તારથી! ચંદ્રનો કારક ગણાતું દૂધ જો વારંવાર ઉભરાય તો ઘરમાં ચંદ્ર દોષ શરૂ થવાના ચાન્સ વધે છે અને ઘરમાં અશુભ ઘટનાઓ બનવા લાગે તેવું જણાવાયું હોય છે.
ગેસ પર ઉકાળવામાં આવતા દૂધને ઉભરાવાને લઈને ચંદ્ર દોષ ની માન્યતા છે અને તેના કારણે ઘરમાં હંમેશા તાણખેંચ જોવા મળતી હોય છે. આવું કરવાથી પરિવારના સભ્યોની માનસિક સ્થિતિ પણ બગડતી હોય છે. વધુમાં પ્રગતિ અટકી જવા સહિતના અનેક આર્થિક જોખમ પણ જોવા મળતા હોય છે.
અગ્નિને મંગળનો કારક અને દૂધને ચંદ્નનો કારક કહેવામાં આવે છે. મંગળ અને ચંદ્રને એકબીજાના વિરોધી માનવામાં આવે છે. ઉકળતું દૂધ વારંવાર ઢોળવાથી પરિવારમાં ઝઘડાની સ્થિતિ સર્જાય છે. ચંદ્ર અને મંગળના મળવાથી ઘરમાં ગરીબી આવવા લાગે છે.
મોટા ભાગે દૂધ ઢોળાવુ એ સામાન્ય બાબત છે પરંતુ આ બાબત અમુક વખતે વાસ્તુદોષ તરફ પણ ઈશારો કરે છે. જેથી સુખ-સમૃદ્ધિ નથી રહેતી અને હંમેશા પૈસાની અછત રહે છે. જો ઘરનો કોઈ સભ્ય કોઈ ખાસ કામ માટે બહાર જતા હોય ત્યારે ગેસ પરનું દૂધ ઉકળીને નીચે પડતું હોય તો તેને અશુભ સંકેત માનવામાં આવે છે. આ દરમિયાન શક્ય હોય તો કામ અટકાવી દેવું જોઈએ.
