મેહુલિયો અનરાધાર / ઍલર્ટ! તાપી-નર્મદામાં પૂર આવે તેવી શક્યતા, આ તારીખોમાં મેઘરાજા ગુજરાત પર કહેર બનીને ત્રાટકશે

• વરસાદને લઈ અંબાલાલ પટેલની આગાહી
• "25 જૂલાઈથી 8 ઓગસ્ટ ભારેથી અતિભારે વરસાદ થશે"
• 11-12 જૂલાઈએ દરિયાકિનારે પવન ફૂંકાશે: અંબાલાલ પટેલ 

ગુજરાતમાં એકસાથે બે સિસ્ટમ કાર્યરત થવાથી મેઘરાજા તોફાની બેટિંગ કરી રહ્યા છે. રાજ્યમાં બરાબરનો વરસાદી માહોલ જામ્યો છે. ભારે વરસાદના કારણે ચારે બાજુ પાણી-પાણી થઈ ગયું છે. આ વચ્ચે હવે વરસાદને લઈ હવામાન નિષ્ણાત અંબાલાલ પટેલની આગાહી સામે આવી છે. હવામાન નિષ્ણાંત અંબાલાલ પટેલે જણાવ્યું કે, રાજ્યમાં હજુ પણ વરસાદ થશે.

આ દરમિયાન પડશે ભારેથી અતિભારે વરસાદ
અંબાલાલ પટેલે જણાવ્યું કે, ગુજરાતમાં 2 જુલાઈએ વરસાદમાં ઘટાડો થશે. ગુજરાતમાં આગામી 7થી 15 જુલાઈ દરમિયાન સારો વરસાદ થશે. 11 અને 12 જુલાઈના રોજ દરિયાકિનારે ભારે પવન ફૂંકાશે. 18થી 20 જુલાઈએ પણ વરસાદની સંભાવના છે. ગુજરાતમાં 25 જુલાઈથી 8 ઓગસ્ટ ભારેથી અતિભારે વરસાદ થશે. આ સમયગાળા દરમિયાન ઉત્તર-મધ્ય ગુજરાતમાં ભારેથી અતિભારે વરસાદ થશે. પૂર્વ અને દક્ષિણ ગુજરાતમાં વરસાદની સંભાવના છે. આ સાથે જ સૌરાષ્ટ્ર-કચ્છમા વરસાદની શક્યતા છે. 

નર્મદા નદીમાં આવી શકે છે પૂરઃ અંબાલાલ પટેલ  
હવામાન નિષ્ણાંત અંબાલાલ પટેલના જણાવ્યા અનુસાર, ભારે વરસાદને લઈ નર્મદા નદીમાં પૂર આવી શકે છે. આ ઉપરાંત તાપી નદીમાં પણ સામાન્ય પૂરની શક્યતા છે. ઓગસ્ટમાં બંગાળના ઉપસાગરમાં હવાનું દબાણ ઉભું થવાની સંભાવના છે. 

ગુજરાતના 128 તાલુકામાં નોંધાયો વરસાદ 
ગુજરાતમાં આજે સવારના 6 વાગ્યાથી બપોરના 12 વાગ્યા સુધી ખાબકેલા વરસાદ વિશે વાત કરીએ તો 6 કલાકમાં ગુજરાતના 128 તાલુકામાં વરસાદ નોંધાયો છે. જેમાં સૌથી વધારે વરસાદ ધરમપુર અને ભેસાણમાં સવા 6 ઈંચ વરસાદ નોંધાયો છે.  

વિસાવદરમાં 5.5 ઈંચ વરસાદ 
જ્યારે વિસાવદરમાં 5.5 ઈંચ, ધારીમાં સવા 5 ઈંચ, ખેરગામમાં 4.5 ઈંચ, પારડીમાં 4 ઈંચ, વાપી અને જલાલપોરમાં 3.5 ઈંચ,  મહુવામાં 3.5 ઈંચ અને વલસાડમાં સવા 3 ઈંચ, ચીખલી અને તાલાલામાં 3 ઈંચ વરસાદ નોંધાયો છે. આ ઉપરાંત નવસારીમાં પોણા 3 ઈંચ,વાંસદામાં 2.5 ઈંચ, બગસરા અને સિદ્ધપુરમાં સવા 2 ઈંચ, વઘઈ અને મેંદરડામાં 2 ઈંચ વરસાદ ખાબક્યો છે.

ક્યાં કેટલો વરસાદ?
ધરમપુરમાં સવા 6 ઈંચ વરસાદ
ભેસાણમાં સવા 6 ઈંચ વરસાદ
વિસાવદરમાં 5.5 ઈંચ વરસાદ
ધારીમાં સવા 5 ઈંચ વરસાદ
ખેરગામમાં 4.5 ઈંચ વરસાદ
પારડીમાં 4 ઈંચ વરસાદ
વાપીમાં 3.5 ઈંચ વરસાદ
જલાલપોરમાં 3.5 ઈંચ વરસાદ
મહુવામાં 3.5 ઈંચ વરસાદ
વલસાડમાં સવા 3 ઈંચ વરસાદ
ચીખલીમાં 3 ઈંચ વરસાદ
તાલાલામાં 3 ઈંચ વરસાદ
નવસારીમાં પોણા 3 ઈંચ વરસાદ
વાંસદામાં 2.5 ઈંચ વરસાદ
બગસરામાં સવા 2 ઈંચ વરસાદ
સિદ્ધપુરમાં સવા 2 ઈંચ વરસાદ
વઘઈમાં 2 ઈંચ વરસાદ
મેંદરડામાં 2 ઈંચ વરસાદ