- થાઈલેન્ડમાં એક પતિ સાત પત્નીઓ સાથે રહે છે
- સાતેય સાત પત્નીઓની વચ્ચે કદી પણ નથી થતો ઝગડો
- છોકરીઓને પ્રેમમાં પાગલ કરી દેવાની મારામાં છે માસ્ટરી
- વાપરું છું એવો જાદુ કે છોકરીઓ થઈ જાય છે પ્યારમાં પાગલ
લગ્ન વગર ચાલે નહીં પરંતુ એક લગ્નજીવનમાં એક પત્નીને પણ જાળવી રાખવી લોઢાના ચણા ચાવવા સમાન હોય છે ત્યારે જો કોઈ વ્યક્તિ એક નહીં સાત-સાત પત્નીઓ સાથે એકદમ સારી રીતે રહેતો જોવા મળે તો તે ચમત્કાર જ ગણી શકાય.
સાત પત્નીઓના કુલ 9 બાળકો
થાઈલેન્ડમાં એક પુરુષ છે, જેને સાત પત્નીઓ છે. નવાઈની વાત તો એ છે કે આ સાત પત્નીઓ પોતાના પતિ સાથે એક જ ઘરમાં સાથે રહે છે. સાત પત્નીઓવાળા પુરુષનો દાવો છે કે તેનામાં એવા ગુણ છે જે મહિલાઓને તેના પ્રેમમાં પાગલ બનાવી દે છે. આ વ્યક્તિને સાત પત્નીઓના કુલ 9 બાળકો છે. આ વ્યક્તિએ જે 7 મહિલાઓ સાથે લગ્ન કર્યા છે તેમાં મોટાભાગની એવી મહિલાઓ છે જેમને તે ફેસબુક, ઇન્સ્ટાગ્રામ અથવા મિત્રોના માધ્યમથી મળ્યો હતો.થાઈલેન્ડના નખમ પથમ પ્રાંતમાં રહેતા નટ્ટાપોંગ છાબલેમની ઉંમર 34 વર્ષ છે.
ફ્લર્ટ કરવામાં એટલો પારંગત કે છોકરીઓ થઈ જાય છે પ્રેમમાં પાગલ
છાબલેમનો દાવો છે કે તે ફ્લર્ટ કરવામાં એટલો પારંગત છે કે છોકરીઓ તેના પ્રેમમાં પાગલ થઈ જાય છે. છાબલેમની ઉંમર 34 વર્ષ છે. વ્યવસાયે સેલ્સમેન હાલમાં તેની પત્નીઓ અને 9 બાળકો સાથે એક જ મકાનમાં રહે છે. ઘણા લગ્નો વિશે વાત કરતાં છેબલેમે કહ્યું, "હું ખૂબ ફ્લર્ટ કરું છું. મારામાં એવા ગુણો છે જે સ્ત્રીઓને મારા પ્રેમમાં પાગલ બનાવે છે. હું જુદી જુદી સ્ત્રીઓ સાથે છુપાવી શકતો નથી, તેથી મારી બધી પત્નીઓ સાથે રહે છે.
7 પત્નીઓને જુદી જુદી રીતે પટાવી
થાઈલેન્ડના આ શખ્સનો દાવો છે કે તેણે સોશિયલ મીડિયાના અલગ અલગ પ્લેટફોર્મ પર આ સાત પત્નીઓને પટાવી હતી. જોકે તે દરેકને તેની અગાઉની પત્ની વિશે વાત કરતો, એક રીતે તે ચોરી છુપીથી છીનાળવા કરતો નથી પરંતુ જાહેરમાં પત્નીઓને તેની ગર્લફ્રેન્ડ વિશે જણાવી દે છે. તેનો દાવો છે કે આજ દિન સુધી એક પણ છોકરીએ તેની પ્રેમની પ્રપોઝલ ઠુકરાવી શકી નથી કારણ કે તેની અંદર પ્રેમનો જાદુ છે જેેને કારણે છોકરીઓ ગાંડી થઈ જાય છે. મજાની વાત એ છે કે શખ્સ હવે લફરાં કરી કરીને થાકી ગયો છે અને તેને હવે આરામ કરવો છે એટલે કે તેણે સાત છોકરીઓને પત્ની બનાવીને ઘર માંડી દીધું. હવે તેણે છોકરીઓને પટાવવાનું બંધ કર્યું છે.
