Makar Sankranti 2024 / ઉત્તરાયણ: કહેવાય છે કે સૌથી પહેલા રામ ભગવાને ચગાવ્યો હતો પતંગ, લક્ષ્મીજીના આશીર્વાદ લેવા કરો આ ઉપાય

• હિંદૂ પંચાગમાં મકર સંક્રાંતિનું વિશેષ મહત્વ
• આ દિવસે 14 ચીજોનાં દાનનું મહત્વ હોય છે
• ગ્રહોની શાંતિ તેમજ માં લક્ષ્મીની પ્રસન્નતા મેળવવા માટે દાન કરવું

જ્યોતિષ શાસ્ત્ર અનુસાર દરવર્ષે મકર સંક્રાંતિનો પર્વ 14 જાન્યુઆરીનાં રોજ ઊજવવામાં આવે છે પણ હિંદૂ પંચાગ અનુસાર આ વખતે સૂર્યની મકર રાશિમાં સંક્રાંતિ 15 જાન્યુઆરીનાં રોજ થવાની છે. મકર સંક્રાંતિને અત્યંત શુભ પર્વ માનવામાં આવે છે અને આ દિવસથી શુભ અને માંગલિક કાર્ય કરવામાં આવે છે. આ દિવસે મહિલાઓ 14 સુહાગણની સામગ્રીઓ અથવા તો 14 ગરમ કપડાંનું દાન જરૂરિયાતમંદ અને ગરીબોનું દાન કરે છે. પણ શું તમે ક્યારેય વિચાર્યું છે આ દિવસે 14 ચીજોનું શું વિશેષ મહત્વ હોય છે?

શ્રીરામ સાથે જોડાયેલી પતંગની માન્યતા: 

ઉત્તરાયણના દિવસે ગુજરાતમાં પતંગ ચગાવવાનું ખાસ મહત્વ છે. એવામાં આ પરંપરાનો ઉલ્લેખ રામાયણકાળમાં પણ જોવા મળે છે. એવી માન્યતા છે કે ભગવાન રામે જ સૌથી પહેલા પતંગ ચગાવી હતી. તુલસીદાસજી દ્વારા રચિત રામચરિત માનસમાં રામજી બાલ્યકાળનું વર્ણન છે જેમાં કહેવામાં આવ્યું છે કે શ્રીરામજીએ પતંગ ઉડાવી હતી. 

ચોપાઈ: 
राम इक दिन चंग उड़ाई।
इंद्रलोक में पहुंची जाई।।

તમિલ રામાયણમાં પણ આવો જ ઉલ્લેખ છે કે ભગવાન શ્રી રામે પતંગ ચગાવ્યો એ ઈન્દ્રલોક સુધી પહોંચી હતી. પતંગ જોઈને ઈન્દ્રદેવના પુત્રના પત્ની જયંતી વિચારવા લાગ્યા કે જેમની પતંગ આટલી સુંદર છે એ પોતે કેટલા સુંદર હશે. ભગવાન રામના દર્શન કરવાની ઈચ્છા સાથે તેમણે પતંગ પોતાની પાસે જ રાખી લીધી. 

વધુ વાંચો: આ દિવસે ચપ્પલ-બુટ ખરીદતા પહેલા 100 વાર વિચારજો! 90 ટકા લોકો કરે છે ભૂલ, શનિ દોષ થતાં અશુભ ઘડી આવશે

14 ચીજોનું શું મહત્વ?
ધાર્મિક માન્યતા છે કે મકર સંક્રાંતિનાં દિવસે 14 વસ્તુઓનું દાન કરવું જોઈએ. આ દિવસે એવી 14 વસ્તુઓનું દાન જરૂરિયાતમંદોને કરવું જોઈએ જે તેમને કામ આવે. જ્યોતિષ વિશેષજ્ઞો અનુસાર 7 ગ્રહો અને 2 પક્ષ હોય છે. તેથી ગ્રહોની સંખ્યાને બેગણી કરીને 14 ચીજોનું દાન કરવામાં આવે છે. આવું કરવાથી જીવનનાં કષ્ટ દૂર થાય છે. 

મકર સંક્રાંતિ પર આ 14 કામ કરવાં

1. નદીમાં સ્નાન કરવું
2. ગાયને ચારો આપવો
3. તલથી શ્રી સૂક્તનો હવન
4. પતંગ ચગાવવાં- કારણકે તેની શરૂઆત ભગવાન શ્રીરામે કરી હતી. માન્યતા અનુસાર આ પતંગ ઈંદ્રલોક સુધી પહોંચી હતી.
5. તલ-ગોડનું સેવન
6. દાન કરવું
7. ખીચડીનો ભોગ- તેના સેવન અને દાનથી નવગ્રહ પ્રસન્ન થાય છે.
8. પિતૃ તર્પણ
9. અનાજની પૂજા કરવી
10. નવા કામની શરૂઆત શુભકારી
11. શનિ-સૂર્યની પૂજા
12. માં લક્ષ્મીનું પૂજન કરવું
13. મંત્રનો જાપ- ॐ ह्रीं ह्रीं सूर्याय सहस्रकिरणराय मनोवांछित फलम् देहि देहि स्वाहा નો 108 વાર જાપ
14. ઝાડૂ ખરીદવો