- મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણ જોવા મળ્યા અલગ અંદાજમાં
- શિવરાજ સિંહે ચૌહાણ ટ્રેક્ટ ચલાવી પોતાના ખેતરમાં ચણા વાવ્યા
- વિદિશામાં લાડલી બહેનોને મળતા પૂર્વ CM થયા ભાવુક
Madhya Pradesh News: મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણ નવા મુખ્યમંત્રીના શપથ લીધાના એક દિવસ બાદ અલગ જ અંદાજમાં જોવા મળ્યા હતા. શિવરાજ સિંહ ચૌહાણ વિદિશામાં પોતાના ખેતરમાં પહોંચ્યા અને ટ્રેક્ટર વડે ચણા વાવતા જોવા મળ્યા હતો. બીજી તરફ પૂર્વ મુખ્યમંત્રી શિવરાજ સિંહ ચૌહાણની લોકપ્રિયતા હજુ પણ લોકોમાં યથાવત છે. શિવરાજ ખાસ કરીને લાડલી બહેનોમાં ખૂબ જ લોકપ્રિય જોવા મળે છે. જેનું એક ભાવુક દ્રશ્ય પણ ગુરુવારે વિદિશામાં જોવા મળ્યું હતું. શિવરાજ સિંહ ચૌહાણ વિદિશા પહોંચ્યા હતા. જ્યાં રાત્રે હજારો સમર્થકોએ તેમને ઘેરી લીધા હતા. જેના પછી બહેનોએ પૂર્વ મુખ્યમંત્રી શિવરાજ સિંહ ચૌહાણને ઘેરી લીધા અને તેમને ગળે લગાવીને રડવા લાગી હતી.
શિવરાજ સિંહ ચૌહાણ ભાવૂક થઈ ગયા
Ladali Behna News: શિવરાજ સિંહ ચૌહાણ વિદિશા પહોંચી ગયા હતા. જ્યાં રાત્રે હજારો સમર્થકોએ તેમને ઘેરી લીધા હતા. જે પછી લાડલસી બહેનોએ મુખ્યમંત્રી શિવરાજ સિંહ ચૌહાણને ઘેરી લીધા અને તેમને ગળે લગાવીને રડવા લાગી હતી. આ દરમિયાન પૂર્વ મુખ્યમંત્રી શિવરાજ સિંહ ચૌહાણ પણ ભાવુક થઈ ગયા હતા અને પોતાના ચશ્મા હટાવતા અને આંસુ લૂછતા જોવા મળ્યા હતા. લાડલી બહેનોએ પૂર્વ મુખ્યમંત્રી શિવરાજસિંહ ચૌહાણને કહ્યું કે તમારે તમારી બહેનો માટે આવવું જ પડશે. આ સાંભળીને શિવરાજ સિંહ ચૌહાણ ભાવુક થઈ ગયા અને તેમને આંસુ આવી ગયા હતા.
શુ જણાવ્યું ટ્વીટર પર
વિધાનસભ્ય દળની બેઠકમાં ડૉ.મોહન યાદવના નામની જાહેરાત થતાં મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણ રાજભવન ગયા અને પોતાના પદ પરથી રાજીનામું આપી દીધું હતું. આ પછી પણ શિવરાજ સિંહ ચૌહાણ સતત સમાચારોમાં રહે છે. હવે શિવરાજ નવા અંદાજમાં દેખાયા છે. શિવરાજ સિંહ ચૌહાણ ગુરુવારે વિદિશા પહોંચ્યા હતા. અહીં શિવરાજ સિંહે ટ્રેક્ટર વડે પોતાના ખેતરમાં ચણાની વાવણી કરી હતી. શિવરાજ સિંહ ચૌહાણે તેમના સોશિયલ મીડિયા પર તેમના ખેતરમાં ટ્રેક્ટર ચલાવતા તેમનો એક વીડિયો શેર કરતા લખ્યું કે, મધ્ય પ્રદેશની ધરતી સોનું પકવે છે. ધરતી માતા ધન્ય ધાન્યથી ખુશહાલ બનાવી દે છે. પરસેવાના થોડાં ટીપાંથી ધરતીને પ્રણામ કર્યા. આજે ખેતરો ખેડ્યા અને ચણા વાવ્યા.
