BIG NEWS / ઓગસ્ટના પ્રારંભે જ દેશના કેટલાંક શહેરોમાં કોમર્શિયલ સિલિન્ડરના ભાવમાં બમ્પર ઘટાડો, જાણો નવા રેટ

• આજથી કોમર્શીયલ ગેસ સિલિન્ડરના ભાવમાં ઘટાડો
• ઘરેલુ ગેસ સિલિન્ડરના ભાવમાં કોઈ બદલાવ નહી
• CNG-PNG ગેસના ભાવમાં કોઈ બદલાવ નહી

સરકારી તેલ કંપનીઓએ આજે ઘરેલુ ગેસ સિલિન્ડર અને કમર્શિયલ ગેસ સિલિન્ડરની કિંમતો અપડેટ કરી છે. LPG સિલિન્ડરની કિંમતમાં ફેરફાર થયો છે, જે આજથી લાગુ કરવામાં આવ્યો છે. કોમર્શીયલ LPG સિલિન્ડરની કિંમતમાં 100 રૂપિયાનો ઘટાડો થયો છે. દિલ્હી સહિત અનેક શહેરોમાં LPG સિલિન્ડરની કિંમતમાં ઘટાડો થયો છે, પરંતુ આ ભાવ ઘટાડો ગુજરાતમાં લાગુ થયો નથી. LPG સિલિન્ડરની કિંમતમાં ફેરફાર થતા રાજધાની દિલ્હીમાં LPG સિલિન્ડરની કિંમત 1,680 રૂપિયા થઈ છે. તમને જણાવી દઈએ કે, 4 જુલાઈના રોજ LPG સિલિન્ડરની કિંમત 1,780 રૂપિયા હતી. 

અલગ અલગ શહેરોમાં આજથી લાગુ થયેલ LPG સિલિન્ડરની કિંમત
કલકત્તામાં 19 કિલોગ્રામ LPG સિલિન્ડરની કિંમતમાં 93 રૂપિયાનો ઘટાડો થયો છે અને કોમર્શીયલ સિલિન્ડર 1802.50 રૂપિયામાં મળશે. મુંબઈમાં આ સિલિન્ડરની કિંમત 1640.50 રૂપિયા થઈ છે, 4 જુલાઈના રોજ મુંબઈમાં આ સિલિન્ડરની કિંમત 1733.50 રૂપિયા હતી. ચેન્નઈમાં 19 કિલોગ્રામ LPG સિલિન્ડરની કિંમત 1852.50 રૂપિયા થઈ છે, 4 જુલાઈના રોજ ચેન્નઈમાં આ સિલિન્ડરની કિંમત 1945 રૂપિયા હતી.

ઘરેલુ ગેસ સિલિન્ડરની કિંમતમાં ઘટાડો નહીં
માર્ચ મહિનાથી ઘરેલુ ગેસની કિંમતમાં કોઈ ફેરફાર કરવામાં આવ્યો નથી. 14.2 કિલોગ્રામના ઘરેલુ ગેસ સિલિન્ડરની કિંમતમાં 50 રૂપિયાનો વધારો કરવામાં આવ્યો હતો. દિલ્હીમાં ઘરેલુ ગેસ સિલિન્ડરની કિંમત 1103 રૂપિયા છે. મુંબઈમાં ઘરેલુ સિલિન્ડરની કિંમત 1102.50 રૂપિયા, કલકત્તામાં ઘરેલુ સિલિન્ડરની કિંમત 1129 રૂપિયા અને ચેન્નાઈમાં ઘરેલુ સિલિન્ડરની કિંમત 1118.50 રૂપિયા છે. 

Oil marketing companies have reduced the prices of commercial LPG gas cylinders. The rate of 19 KG commercial LPG gas cylinders has been slashed by Rs 99.75 with effect from today. Delhi retail sales price of 19kg commercial LPG cylinder is Rs 1,680 from today: Sources

No change…

— ANI (@ANI) August 1, 2023

CNG અને PNGની કિંમતમાં કોઈ ફેરફાર નહીં
CNG અને PNGની કિંમતમાં પણ કોઈ ફેરફાર કરવામાં આવ્યો નથી. પેટ્રોલ અને ડીઝલની કિંમતમાં પણ કોઈ ફેરફાર કરવામાં આવ્યો નથી. દિલ્હી સહિત અનેક શહેરોમાં પેટ્રોલ અને ડીઝલની કિંમતો સ્થિર છે. 

LPG સિલિન્ડરની કિંમત કેવી રીતે ચેક કરવી
તમે LPG પ્રાઈસનું અપડેટ લિસ્ટ જોવા માંગો છો, તો તમે https://iocl.com/prices-of-petroleum-products લિંકની મુલાકાત લઈ શકો છો. જ્યાં તમે LPG પ્રાઈસની સાથે સાથે જેટ ફ્યૂઅલ, ઓટો ગેસ અને કેરોસીનની કિંમત જાણી શકશો.