કોન્ટ્રીબ્યુશન / કોરોનાગ્રસ્તની મદદ માટે બ્રિટનના પ્રિન્સ વિલિયમે કોમિક શો કર્યો, શાહી પરિવારના રાજ ખૂલ્યા

• પ્રિન્સે કોરોનાગ્રસ્તોના ફંડ માટે શો કર્યો
• શોમાં પોતાની પણ મજાક ઉડાવી, લોકોએ પ્રિન્સના વખાણ કર્યા
• શોના અંતમાં પ્રિન્સે પત્ની અને બાળકો સાથે તાળી પાડી સ્વાસ્થ્ય કર્મચારીઓને બિરદાવ્યા

સ્કેચમાં પ્રિન્સ વિલિયમને સ્ટીફન ફ્રાઈની સાથે વીડિયો કોલ પર વાત કરતા દેખાડવામાં આવ્યા છે . શોમાં સ્ટીફન ફ્રાઈ, લૉર્ડ મેલચેટની ભૂમિતામાં હતા અને પ્રિન્સ વિલિયમને અલગ અલગ  સવાલ પુછવામાં આવ્યા હતા. પ્રિન્સે આ શો દરમિયાન પોતાની મજાક પણ ઉડાવી હતી. શાહી પરિવાર વિશે માજાકિયા વાતો પણ શેર કરી હતી.  હોમ સ્કુલિંગ વિશે વાત કરી. ફક્ત એટલુ જ નહીં લૉર્ડ મેલચેટ સાથે ટીવી પર આવવા પર થેંક્યુ પણ કહ્યુ, સાથે તેમણે કહ્યું કે અમે એક સારા કામ માટે સાથે આવ્યા છીએ. શોના અંતમાં તેમણે જણાવ્યુ કે આ શો કોરોના વાયરસના સંક્રમિત બાળકો અને દર્દીઓ માટે ફંડ ભેગુ કરી રહ્યો છે. આ તમામ રકમ ચિલ્ડ્રન ઈન નીડ એન્ડ કોમિક રિલીફને દાનમાં આપવામાં આવશે. 

આ વીડિયો YouTube પર શેર કરવાના કેટલાક કલાકોની અંદર વાયરલ થઈ ગયો હતો.  વીડિયો અત્યાર સુધીમાં 40 હજારથી પણ વધારે વાર જોવાયો છે અને 100થી વધારે કમેન્ટ આવી ચૂકી છે. સ્ટીફન ફ્રાઈએ પ્રિન્સ વિલિયમના વખાણ કર્યા હતા અને કહ્યું હતું કે તે એક બહુ સારા અભિનેતા હોવાની સાથે તે આ શોમાં સારી રીતે રમ્યા છે. લોકોએ પણ કમેન્ટ કરતા પ્રિન્સના વખાણ કર્યા છે.

એક યુ ટૂબરે લખ્યુ કે પ્રિન્સ વિલિયમનો આ અંદાજ જોવામાં ખૂબ શાનદાર છે. સ્કેચ પત્યા બાદ ડ્યૂકની પત્ની કેટ અને તેમના 3 બાળકો સાથે ‘ક્લેપ ફોર કેર’ને સપોર્ટ માટે તાળી વગાળતા નજરે પડ્યા હતા. સાથે કોરોનાની સામેની લડાઈમાં રાષ્ટ્રીય સ્વાસ્થ્ય સેવા અને અન્ય ફ્રન્ટલાઈન કાર્યકર્તાઓના બિરદાવ્યા હતા.