લંડન / ઘરમાં ચાર્જ થઈ રહેલું ઈ સ્કૂટર બન્યું આગનો ગોળો, જોરદાર વિસ્ફોટ થયો, વીડિયો વાયરલ

• લંડનમાં ચાર્જ થઈ રહેલો ઈ સ્કૂટ સળગ્યું
• સમગ્ર ઘટના ઘરના કેમેરામાં થઈ કેદ
• લંડન ફાયર બ્રિગેડે પોતાના ટ્વિટર હેન્ડલ પર વીડિયો શેર કર્યો

હમણાં થોડા દિવસોથી ઈ-સ્કૂટર સમગ્ર વિશ્વમાં ખૂબ જ ટ્રેન્ડમાં છે, પરંતુ ભૂતકાળમાં બનેલી ઘટનાઓને જોતા લાગે છે કે સેફ્ટી ફીચર્સ પર તેને વધુ કામ કરવાની જરૂર છે. તેમાં લાઇવ બેટરીની હોવાના કારણે તે ખૂબ જોખમી છે. એક વીડિયો વાયરલ થયો છે જેમાં જોરદાર ધડાકા સાથે ઈ સ્કૂટર સળગ્યું છે. 

સ્કૂટર બન્યો આગનો ગોળો
લંડનના એક ઘરનો વીડિયો વાયરલ થયો છે તેમાં એક ઈ-સ્કૂટર રસોડામાં ચાર્જ થઈ રહ્યું હોય તેમ જોવા મળી રહ્યું હતું જે અચાનક ભડભડ જોરદાર ધડાકા સાથે સળગ્યું હતું. વીડિયોમાં જોઈ શકાય છે કે, તે સળગતો ગોળામાં ફેરવાઈ ગયું હતું. આ સમગ્ર ઘટના ઘરના એક કેમેરામાં કેદ થઈ ગઈ હતી. આ વિડિયો પરથી એટલું તો સમજાય છે કે જો કોઈ આસપાસ હોત તો તે ખૂબ જ ગંભીર રીતે ઘાયલ થઈ જાત. 

WATCH: We've released frightening footage of an e-scooter battery explosion with a #ChargeSafe plea. Fortunately no one was seriously hurt but residents of the shared house in #Harlesden had to be rehomed due to the devastation. https://t.co/96LoDuBxRh pic.twitter.com/iHQ8MCnEgj

— London Fire Brigade (@LondonFire) May 18, 2023

લંડન ફાયર બ્રિગેડે વીડિયો વાયરલ કર્યો
લંડન ફાયર બ્રિગેડે પોતાના ટ્વિટર હેન્ડલ પર આ વીડિયો શેર કર્યો છે. તેમજ તેના કેપ્શનમાં લખ્યું છે કે, અમે ઈ-સ્કૂટરની બેટરી વિસ્ફોટના ફૂટેજ જાહેર કર્યા છે. જેમાં તેમણે સલામતી સાથે ચાર્જ કરવાની પણ વાત કરી છે. સદનસીબે આ ઘટનામાં કોઈને ગંભીર ઈજા થઈ નથી, પરંતુ ઘરમાં ઘણું નુકસાન થયું છે. 

સ્કૂટરના માલિક શું કહ્યું ?
સ્કૂટરના માલિક ડેલ વિલિયમ્સે જણાવ્યું હતું કે, નજીકની મુસાફરી કરવા માટે તેમણે બે અઠવાડિયા પહેલા ઓનલાઈન માર્કેટપ્લેસ ગુમટ્રીમાંથી આ સ્કૂટર ખરીદ્યું હતું. લંડન ફાયર બ્રિગેડે જણાવ્યું હતું કે આ વર્ષે સમગ્ર લંડનમાં લગભગ 48 ઈ-બાઈક અને 12 ઈ-સ્કૂટરમાં આગ લાગવાના કેસ નોંધાયા છે.