કોંગ્રેસની કવાયત / રાયબરેલીથી નહીં, તો હવે ક્યાંથી ચૂંટણી લડશે સોનિયા ગાંધી? આ રાજ્ય સરકારે આપી જોરદાર ઑફર

• સોનિયા ગાંધી પણ દક્ષિણ ભારતથી ચૂંટણી લડી શકે છે. 
• મુખ્યમંત્રી રેવંત રેડ્ડીએ સોનિયા ગાંધી સાથે મુલાકાત કરી હતી. 
• શું સોનિયા ગાંધી પરંપરાગત લોકસભા બેઠક છોડશે? 

કોંગ્રેસના નેતા રાહુલ ગાંધી પછી સોનિયા ગાંધી પણ દક્ષિણ ભારતથી ચૂંટણી લડી શકે છે. સોમવારે તેલંગાણાના મુખ્યમંત્રી રેવંત રેડ્ડીએ દિલ્હીમાં સોનિયા ગાંધી સાથે મુલાકાત કરી હતી. આ દરમિયાન એમને સોનિયા ગાંધીને તેલંગાણાની ખમ્મમ સીટથી ચૂંટણી લડવાની ઓફર આપી છે. 

Along with my colleagues shri @Bhatti_Mallu garu & shri @mpponguleti garu met our humble and dedicated leader Smt Sonia Gandhi ji yesterday.

She continues to inspire us as always. pic.twitter.com/bIniiWZ3X1

— Revanth Reddy (@revanth_anumula) February 6, 2024

સૂત્રો દ્વારા માહીતી મળી છે કે રેવંત રેડ્ડીએ આ મુલાકાત દરમિયાન કહ્યું છે કે તેલંગાણાની ખમ્મમ બેઠક કોંગ્રેસ માટે સંપૂર્ણપણે સુરક્ષિત છે અને તેને પાર્ટીનો મજબૂત ગઢ માનવામાં આવે છે. જો કે, સોનિયા ગાંધી હજુ સુધી આ ઓફર માટે સંમત થયા નથી. હવે જોવાનું એ રહ્યું કે શું સોનિયા ગાંધી પરંપરાગત લોકસભા બેઠક રાયબરેલીને છોડીને તેલંગાણાની ખમ્મમ બેઠક પરથી ચૂંટણી લડશે?

ఢిల్లీలో సోనియా గాంధీ గారితో ముగిసిన సీఎం రేవంత్‌రెడ్డి, డిప్యూటీ సీఎం భట్టి, మంత్రి పొంగులేటి భేటీ..
🔸 ఖమ్మం నుంచి పోటీ చేయాలని సోనియా గాంధీని కోరిన నేతలు.

CM Revanth Reddy, Deputy CM Bhatti and Minister Ponguleti met with Sonia Gandhi in Delhi.
🔸 Requested Sonia Gandhi to… pic.twitter.com/NdS6XVgpFu

— Congress for Telangana (@Congress4TS) February 5, 2024

જણાવી દઈએ કે સોનિયા ગાંધી હાલમાં ઉત્તર પ્રદેશના રાયબરેલીથી લોકસભા સાંસદ છે. તે 2004થી સતત રાયબરેલીથી જીતી રહ્યા છે. સોમવારે જારી કરાયેલ એક સત્તાવાર રીલીઝ મુજબ, રેડ્ડીએ જણાવ્યું હતું કે સોનિયા ગાંધીને રાજ્યમાંથી ચૂંટણી લડવા વિનંતી કરવામાં આવી હતી કારણ કે ત્યાંના લોકો તેમને 'મા' તરીકે જુએ છે.

વધુ વાંચો: અંતે મમતા બેનર્જી નરમ પડી! પશ્ચિમ બંગાળમાં કોંગ્રેસને આપી 5 સીટોની ઑફર, જાણો કારણ

રેવંત રેડ્ડીએ તેમને કહ્યું કે તેલંગાણાને અલગ રાજ્ય બનાવવામાં તેમના યોગદાનને કારણે તેલંગાણાના લોકો તેમને માતા તરીકે માન આપે છે અને તેમને તે જ રાજ્યમાંથી ચૂંટણી લડવા વિનંતી કરી રહ્યા છે. વિનંતીના જવાબમાં સોનિયાએ કહ્યું કે તે યોગ્ય સમયે નિર્ણય લેશે.