ભયજનક / કચ્છ: કંડલા બંદરે ઇજીપ્તથી જહાજ આવ્યું કોરોના લાવ્યું: 12 ક્રુ મેમ્બર કોરોના પોઝિટિવ

• કંડલા પોર્ટ પર કોરોનાનું સંક્રમણ
• ઈજીપ્તથી આવેલા જહાજના ક્રુ મેમ્બર્સ કોરોનાગ્રસ્ત
• 12 ક્રુ મેમ્બર્સનો કોરોના રિપોર્ટ પોઝિટીવ

કચ્છ કંડલા પોર્ટ પર કોરોના કહેર વરસ્યો છે. ઇજીપ્તથી આવેલા જહાજના ક્રુ મેમ્બરો કોરોના સંક્રમિત બન્યા છે. 12 ક્રુ મેમ્બરોના કોરોના રિપોર્ટ પોઝિટિવ આવ્યો છે. તમામને હાલ આઇસોલેટ કરવામા આવ્યા છે. 

ગુજરાતમાં કોરોનાની સ્થિતિ

રાજ્ય સરકારે આજે જાહેર કરેલા આંકડા અનુસાર છેલ્લા 24 કલાકમાં 1334 નવા કેસ સાથે કુલ આંક 1,14,996 પર પહોંચ્યો છે. તો આજે 1,255 દર્દીઓ સાજા થતા રાજ્યમાં કુલ 95,265 દર્દીઓ સાજા થયા છે. આજે સંક્રમણથી 17 દર્દીઓના મોત થતાની સાથે મૃત્યુઆંક 3230 પર પહોંચ્યો છે. રાજ્યમાં આજે 71,507 ટેસ્ટ કરવામાં આવ્યા છે. રાજ્યમાં અત્યાર સુધીમાં 33,60,318 કોરોના ટેસ્ટ કરવામાં આવ્યા છે. ગુજરાતમાં હાલ એક્ટિવ કેસ માત્ર 16501 છે.

સુરતમાં 261 દર્દી સાજા થયા

રાહતની વાત એ છે કે, રાજ્યમાં રિકવરી રેટ 82.84% પર પહોંચ્યો છે. ત્યારે આજે 1,255 દર્દીઓ સાજા થયા છે. જેમાં અમદાવાદમાં 175, સુરતમાં 261 જામનગરમાં 129, વડોદરામાં 106 અને રાજકોટમાં 78 દર્દીઓ સ્વસ્થ થયા છે.

આજે વલસાડમાં 2 કેસ જ્યારે ડાંગમાં એક કેસ 

આજે મહાનગરો સુરતમાં 278, અમદાવાદમાં 175 કેસ, વડોદરામાં 131, રાજકોટમાં 154 કેસ બાદ જામનગરમાં 120 કેસ કેસ નોંધાયા છે. આજે સમગ્ર રાજ્યમાં સૌથી ઓછા કેસ વલસાડમાં 2 કેસ અને ડાંગમાં એક કેસ નોંધાયા છે. 

રાજ્યમાં છેલ્લા 24 કલાકમાં નોંધાયેલા કેસના જિલ્લાવાર આંકડા