- દીપિકા પાદુકોણ અને રણવીર સિંહના લગ્નના ઘણા વિડીયો વાયરલ
- બંને કોફી વિથ કરણ સીઝન 8 ના પહેલા એપિસોડમાં જોવા મળ્યા
- રણવીર સિંહ દીપિકા પાદુકોણને પહેલીવાર ક્યાં મળ્યો હતો?
દીપિકા પાદુકોણ અને રણવીર સિંહના લગ્ન વર્ષ 2018માં થયા હતા. જો કે તેમના લગ્નનો વિડીયો હજુ સુધી બહાર પાડવામાં આવ્યા નહતા પરંતુ હવે કરણ જોહરના ફેમસ શો કોફી વિથ કરણની નવી સીઝનમાં દીપિકા-રણવીરે ચાહકોને લગ્નની ઝલક બતાવી છે, જે સોશિયલ મીડિયા પર ઝડપથી વાયરલ થઈ રહ્યો છે.
દીપિકા-રણવીરના લગ્નના ઘણા વિડીયો વાયરલ
સોશિયલ મીડિયા પર ફેન પેજ દ્વારા શેર કરવામાં આવેલા વીડિયોમાં મહેંદી, હલ્દી અને લગ્નની દરેક વિધિની ઝલક જોઈ શકાય છે. આટલું જ નહીં રિસેપ્શનની ઝલક પણ જોવા મળી છે. જ્યારે રણવીર સિંહ પણ વીડિયોમાં ડાન્સ કરતો જોઈ શકાય છે. આ સિવાય એક વીડિયોમાં રણવીર સિંહ અને દીપિકા પાદુકોણને ચક્કર લગાવતા જોઈ શકાય છે. અભિનેત્રી તેની આ ખાસ ક્ષણ વિશે પણ વાત કરતી જોવા મળી રહી છે. શોમાં આ વીડિયો જોઈને કરણ જોહર પણ ઈમોશનલ થતો જોવા મળી રહ્યો છે.
દીપિકા અને રણવીર કોફી વિથ કરણ સીઝન 8 ના પહેલા એપિસોડમાં જોવા મળ્યા
દીપિકા અને રણવીર કોફી વિથ કરણ સીઝન 8ના પહેલા એપિસોડમાં જોવા મળ્યા હતા. આ દરમિયાન કપલે આવી ઘણી બધી વાતો શેર કરી જે ફેન્સને ભાગ્યે જ ખબર હશે. દીપિકા અને રણવીર લગ્ન પછી પહેલીવાર કપલ ટૂર પર શોમાં જોવા મળ્યા હતા. રણવીર અને દીપિકાએ તેમના સંબંધો, તેમની સગાઈની ક્ષણ, દીપિકાના માતા-પિતાને મળવા વિશે વાત કરી હતી. તેના લગ્નનો એક અનસીન વીડિયો પણ બતાવ્યો. વીડિયોમાં રણવીરે જણાવ્યું કે તેણે માલદીવમાં દીપિકાને કેવી રીતે પ્રપોઝ કર્યું. તે પછી તે તરત જ તેના માતા-પિતાને મળવા અને તેમની સગાઈના સમાચાર આપવા બેંગલુરુ ગયો હતો.
રણવીર સિંહ દીપિકા પાદુકોણને પહેલીવાર ક્યાં મળ્યો?
કોફી વિથ કરણ સીઝન 8માં રણવીર સિંહે જણાવ્યું કે 'રામલીલા'ના શૂટિંગ વિશે વાત કર્યા બાદ સંજય લીલા ભણસાલી, રણવીર અને દીપિકા લંચ માટે ગયા હતા. આ દરમિયાન અભિનેતાએ કહ્યું કે મેં જોયું કે ખાવાનો એક ટુકડો તેના દાંતમાં ફસાઈ ગયો હતો. પછી મેં તેને કહ્યું અને દીપિકાએ તેની નાની આંગળી વડે દાંત સાફ કરી અને એ જોઇને મને 440 વોલ્ટનો આંચકો લાગ્યો હતો અને તે પછી જ બંને વચ્ચે અલગ સ્પાર્ક જોવા મળ્યો હતો.
રણવીર સિંહે દીપિકા પાદુકોણને માલદીવમાં લગ્ન માટે પ્રપોઝ કર્યું હતું
રણવીર સિંહે કોફી વિથ કરણમાં જણાવ્યું કે, તેણે હીરાની વીંટી ખરીદી અને પછી તેને માલદીવ લઈ ગયો હતો. તે અને દીપિકા ટાપુના એક ભાગમાં એકલા હતા અને આ સમય દરમિયાન જ તેને પ્રપોઝ કર્યું અને અભિનેત્રીએ રણવીરને 'હા' કહી. જે બાદ તેઓએ સગાઈ કરી લીધી હતી.
