હેલ્થ / દૂર થશે સાંધાના દુખાવા, મળશે કેલ્શિયમ... જો રોજ દૂધમાં ઉકાળીને ખાશો આ બીજ

• કોળાનાં બીજને સુપરફૂડ કહેવામાં આવે છે
• કોળાનાં બીજ એન્ટીઓક્સિડેન્ટથી ભરપૂર હોય છે
• કોળાનાં બીજમાં ભરપૂર પ્રમાણમાં મેગ્નેશિયમ હોય છે

કોળાનાં બીજને સુપરફૂડ કહેવામાં આવે છે. તેના સેવનથી સ્વાસ્થ્યને ઘણા ફાયદાઓ થાય છે. કોળાનાં 100 ગ્રામ બીજમાં 574 કેલરી એનર્જી, 49 ગ્રામ ફેટ, 6.6 ગ્રામ ફાયબર અને 30 ગ્રામ પ્રોટીન હોય છે. આ બીજ પ્રોટીનથી ભરપૂર હોય છે. તેથી શરીરને તાકત મળે છે. નિયમિત રીતે કોળાનાં બીજનું સેવન કરવામાં આવે તો તમે કેટલીક બીમારીઓથી બચી શકો છો. કોળાનાં બીજમાં બહુઅસંતૃપ્ત અને મોનોઅનસેચ્યુરેટેડ ચરબી હોય છે. તે સ્વાસ્થ્ય માટે સારું માનવામાં આવે છે. જાણો, કોળાનાં બીજને દૂધ સાથે ખાવાથી થતાં ફાયદાઓ વિશે. 

હાડકાં 
કોળાનાં બીજને દૂધ સાથે ખાવામાં આવે તો તેનાથી શરીરને કેલ્શિયમ, મેગ્નેશિયમ, ફોસ્ફરસ અને ઝીંક જેવા પોષક તત્વો મળે છે. તેનાથી હાડકાં મજબૂત બને છે. આ પોષણ તત્વો હાડકાના વિકાસ અને તેની મજબૂતી માટે જરૂરી છે. જે લોકોને સાંધાનો દુ:ખાવો થતો હોય અથવા સાંધામાં સોજો આવી જતો હોય તો તેણે દૂધ અને કોળાનાં બીજનું સેવન કરવું જોઈએ. 

એન્ટીઓક્સિડેન્ટ 
કોળાનાં બીજ એન્ટીઓક્સિડેન્ટથી ભરપૂર હોય છે. આ સાથે તેમા વિટામિન E પણ હોય છે. તેના સેવનથી ઓક્સિડેટીવ તણાવ દૂર થાય છે. એન્ટીઓક્સિડેન્ટ ત્વચાનાં સ્વાસ્થ્ય અને કોષોની સુરક્ષા માટે ફાયદાકારક છે. 

વાંચવા જેવું: છોડો મોંઘાદાટ ડાયટ પ્લાન, વજન ઘટાડવા ઘરગથ્થું ઉપચાર ખૂબ કારગર, દેશી ઉપાયથી 1 મહિનામાં પાતળા

કેલ્શિયમ 
કોળાનાં બીજમાં ભરપૂર પ્રમાણમાં મેગ્નેશિયમ હોય છે. આ હાડકાના વિકાસ અને મજબૂતી માટે જરૂરી છે. જે લોકો આહારમાં પૂરતા પ્રમાણમાં મેગ્નેશિયમથી ભરપૂત ખોરાકનું સેવન કરે છે, તેમના હાડકામાં ખનીજની ઘનતા વધુ હોય છે.