- ધર્મગુરૂએ લીધો 191 બાળકોનો જીવ?
- મોત ન આવે ત્યાં સુધી ભુખ્યા રહેવા કહ્યુ
- જાણો કેન્યાના કથિત ધર્મગુરૂ વિશે
આફ્રીકી દેશ કેન્યાના એક કલ્ટ લીડર જે સ્વર્ગનું સપનું જોતા હતા. હાલ તેઓ ખૂબ જ ચર્ચામાં છે. પોલ મેકેજી અને તેમના 29 સહયોગી 191 બાળકોની હત્યાના આરોપ છે. આ બાળકોની લાશને જંગલોમાં દફનાવી દેવામાં આવી હતી જેનો બાદમાં ખુલાસો થયો છે.
કેન્યામાં એક શહેર છે માલિંદી, તટીય વિસ્તારની આસપાસ આ શહેર વસેલું છે. અહીંની એક કોર્ટમાં પોલ મેકેઝી સહિત 30 લોકોને રજૂ કરવામાં આવ્યા છે. આ બધા 30 લોકોએ આમ તો આરોપોને નકારી દીધા પરંતુ આ કેસ હજુ લાંબા ચલશે. એક બાજુ શંકાસ્પદ શખ્સ પણ આ કેસમાં આરોપી હતો પરંતુ માનસીક રીતે બીમાર હોવાના કારણે તેના પર કેસ નહીં ચાલે.
"જ્યાં સુધી મોત ન આવે ભૂખ્યા રહેવુ"
આ મામલો ગયા વર્ષે ચર્ચામાં આવ્યો હતો. હવે આ મામલામાં પોલ અને તેના અનુયાયિઓને આરોપી બનાવવામાં આવ્યા છે. પોલ પર આરોપ લગાવનાર સરકારી વકીલોનું કહેવું છે કે તેણે પોતાના અનુયાયિઓને કહ્યું કે તે ત્યાં સુધી પોતાને અને બાળકોને ભુખ્યા રાખશે જ્યાં સુધી તેમનું મોત ન થઈ જાય.
આમ કરવાના પાછળ પોલની દલીલ હતી કે આ રીતે મરીને તે કયામતથી ખૂબ પહેલા સ્વર્ગ જઈ શકશે. કોઈ તથાકથિત માયાવી ધર્મગુરૂના કારણે આટલા અનુયાયિઓની એવી દર્દનાક મોત હલના ઈતિહાસમાં નથી જોવા મળી અને ન સાંભળવા મળી.
કુલ 400 મૃતદેહ
પોલ ગુડ ન્યૂઝ ઈન્ટરનેશનલ ચર્ચ ચલાવતો હતો. આ ચર્ચ કેન્યાના શાકાહોલાના જંગલોમાં સ્થિત હતું. એકદમ એકાંત અને સુનસામ, આ આખો વિસ્તાર લગભગ 800 એકડમાં ફેલાયેલો હતો. અહીં વસ્તી બનાવી લેવામાં આવી હતી જ્યાં પોલ મેકેજીના અનુયાયી મોટી સંખ્યામાં રહેતા હતા. કહેવાય છે કે અહીંથી બાદમાં 400 જેટલા મૃતદેહ મળ્યા જે બીજા વિસ્તારમાં દફનાવવામાં આવ્યા હતા. તેમાં 191 મૃતદેહ બાળકોના હતા.
