Astrology / બે જ દિવસમાં કારતક મહિનાની પૂનમ: ખાસ નોંધી લૉ આ ઉપાય, ઘર-પરિવાર પર થશે લક્ષ્મીજીની કૃપા

• 27 નવેમ્બર 2023 સોમવારના રોજ કારતકી પૂર્ણિમા
• કારતકી પૂર્ણિમાના દિવસે કરો ખાસ ઉપાય
• આ ઉપાય કરવાથી સુખ સમૃદ્ધિમાં વૃદ્ધિ થશે

હિંદુ પંચાંગ અનુસાર આ વર્ષે 27 નવેમ્બર 2023 સોમવારના રોજ કારતકી પૂર્ણિમા છે. માનવામાં આવે છે કે, જે વ્યક્તિ આ દિવસે નદીમાં સ્નાન કરે છે અને દાન કરે છે તેને અક્ષય પુણ્ય પ્રાપ્ત થાય છે. ધાર્મિક માન્યતા અનુસાર આ દિવસે લક્ષ્મી માતા અને ભગવાન વિષ્ણુની પૂજા કરવામાં આવે છે. કારતકી પૂર્ણિમાના દિવસે પૂજા કરવાથી લક્ષ્મી દેવી અને ભગવાન વિષ્ણુ પ્રસન્ન થાય છે. જો તમે આર્થિક સમસ્યાથી પરેશાન છો અને ભાગ્યનો સાથ નથી મળી રહ્યો તો આ ઉપાય જરૂરથી કરવા જોઈએ. આ ઉપાય કરવાથી સુખ સમૃદ્ધિમાં વૃદ્ધિ થશે અને ગરીબીથી રાહત મળશે. 

કારતકી પૂર્ણિમાના ઉપાય
પીપળાના ઝાડની પૂજા- કારતકી પૂર્ણિમાના દિવસે પીપળાના ઝાડની પૂજા કરવામાં આવે છે. માનવામાં આવે છે કે, આ દિવસે પીપળાના ઝાડની પૂજા કરવાથી લક્ષ્મી માતાની વિશેષ કૃપા રહે છે. પીપળાના ઝાડ પર જળ અને દૂધ ચઢાવો તથા ઘીનો દીવો કરો. 

તુલસી પૂજા- કારતકી પૂર્ણિમાના દિવસે વિધિ વિધાન સાથે તુલસી પૂજા કરવામાં આવે છે. માનવામાં આવે છે કે, તુલસીમાં લક્ષ્મી માતા રહે છે. આ કારણોસર કારતકી પૂર્ણિમાના દિવસે સવારે તુલસીને જળ અર્પણ કરો તથા સવાર-સાંજ તુલસીના છોડ પાસે ઘીનો દીવો કરો. સવારે 

તોરણ લગાવો- કારતકી પૂર્ણિમાના દિવસે લક્ષ્મી માતાની કૃપા મેળવવા માટે ઘરના મુખ્યદ્વાર પર તોરણ લગાવવા જોઈએ. આંબાના પાન અને ફૂલનું તોરણ બનાવીને ઘરના દ્વાર પર લગાવવાથી તે શુભ સાબિત થશે. 

ખીર- આર્થિક પરિસ્થિતિ મજબૂત કરવા માટે અને લક્ષ્મી માતાને પ્રસન્ન કરવા માટે કારતકી પૂર્ણિમાના દિવસે ખીરનો ભોગ ધરાવવો.