વાયરલ / બાંધેલા હાથ, મોઢા પર ડૂચો, કીડનેપ થઈ ગયા ક્રિકેટ કિંગ કપિલ દેવ? ગૌતમ ગંભીરે વીડિયો ટ્વિટ કરી જણાવ્યું આખરે થયું શું?

• કપિલ દેવનો એક વીડિયો સોશિયલ મીડિયા પર વાયરલ
• ગૌતમ ગંભીરે ટ્વીટર પર વીડિયો શેર કર્યો
• વીડિયોમાં કપિલદેવ કિડનેપ થયાં હોય તેવું લાગી રહ્યું છે

ટીમ ઈન્ડિયા હાલમાં વનડે વર્લ્ડ કપની તૈયારીઓ કરી રહી છે અને હવે ટૂર્નામેન્ટ શરૂ થવામાં થોડા જ દિવસો બાકી છે પરંતુ આ ઈવેંટ શરૂ થવાથી પહેલા ટીમ ઈન્ડિયાને પહેલો વર્લ્ડ કપ જીતાડવાર કેપ્ટન કપિલ દેવનો વીડિયો સોશિયલ મીડિયા પર ખૂબ વાયરલ થઈ રહ્યો છે. જે બાદ અનેક પ્રકારની ચર્ચાઓ અને સવાલો શરૂ થવા માંડ્યા છે. જુઓ વીડિયો.

Anyone else received this clip, too? Hope it’s not actually @therealkapildev 🤞and that Kapil Paaji is fine! pic.twitter.com/KsIV33Dbmp

— Gautam Gambhir (@GautamGambhir) September 25, 2023

ગૌતમ ગંભીરે વીડિયો ટ્વીટર પર શેર કર્યો
પૂર્વ ક્રિકેટર ગૌતમ ગંભીરે સોમવારે એક વીડિયો ટ્વીટ કર્યો જેમાં કપિલ દેવનાં મોઢા પર પટ્ટી બાંધેલી છે અને હાથ પાછળની બાજુ છે. 2 લોકો કપિલદેવને લઈ જતાં દેખાય છે. વીડિયોમાં એવું લાગી રહ્યું છે કે કપિલ દેવને કોઈ કિડનેપ કરીને લઈ જઈ રહ્યું છે. ગૌતમે કેપ્શનમાં લખ્યું છે કે શું કોઈ બીજાને આ વીડિયો મળ્યો છે? આશા છે કે આ રિયલ કપિલ દેવ નહીં હોય અને કપિલ પાજી સ્વસ્થ હશે.

યૂઝર્સે કહ્યું કે એડ શૂટની ક્લિપ છે...
ગૌતમ ગંભીરનો આ ટ્વીટ ખૂબ વાયરલ થયો અને અનેક પ્રકારનાં અનુમાન લોકો લગાવી રહ્યાં છે. જો કે સત્ય તો એ છે કે આ વીડિયો કોઈ વિજ્ઞાપનની શૂટિંગનો લાગી રહ્યો છે. ફેન્સે પણ સોશિયલ મીડિયા પર લખ્યું કે આ એક એડ શૂટિંગ છે અને કપિલ દેવને કંઈ નથી થયું.

કપિલ દેવ 
ભારતને પહેલો વર્લ્ડ કપ જીતાવનાર કેપ્ટન કપિલ દેવને વર્ષ 2008માં ઈન્ડિયન આર્મીમાં લેફ્ટનેન્ટ કર્નલનું પદ આપવામાં આવ્યું હતું. તે ઉપરાંત 2019માં કપિલ દેવને હરિયાણા સ્પોર્ટ્સ યુનિવર્સિટીના ચાંસલર પણ નિયુક્ત કરવામાં આવ્યા હતા.