કન્ફર્મ! / ચૂંટણી લડશે અભિનેત્રી કંગના રણૌત: ભાજપ આપશે ટિકિટ, પિતાએ જ કર્યો મોટો ખુલાસો

• 2024ની લોકસભા ચૂંટણી લડશે કંગના 
• BJPના ટિકિટથી ચૂંટણી લડશે કંગના 
• પિતાએ જ કર્યો મોટો ખુલાસો

બોલિવુડ અભિનેત્રી કંગના રણૌત ચુંટણી લડે તેવી ચર્ચાઓ ચાલી રહી છે. ત્યાં જ હવે તેમના પિતાએ આ ચર્ચાઓ પર ફૂલસ્ટોપ લગાવી દીધો છે. કંગનાના પિતાએ તેના લોકસભા ચૂંટણી લડવાની વાત સ્વીકારી છે. જોકે પિતાએ કહ્યું છે કે ભાજપ નક્કી કરશે કે તેમની દિકરી કંગના ક્યાંથી ચૂંટણી લગડશે. 

અભિનેત્રી કંગના રણૌતના પિતા અમરદીપે સ્પષ્ટ કર્યું છે કે કંગના ભાજપની ટિકિટ પર જ ચૂંટણી લડશે પરંતુ તે ક્યાંથી ચૂંટણી લડશે એ વાતને પાર્ટી નેતૃત્વ જ નક્કી કરશે. મોટી વાત એ છે કે કંગનાએ બે દિવસ પહેલા કૂલ્લૂમાં પોતાના ઘરે ભાજપના રાષ્ટ્રીય અધ્યક્ષ જેપી નડ્ડા સાથે મુલાકાત કરી હતી. મુલાકાત બાદ તેમની ચુંટણી લડવાની ચર્ચાઓ વધારે થઈ રહી હતી. પરંતુ હવે પિતાએ સ્પષ્ટ કરી દીધુ છે કે કંગના ચૂંટણી લડશે. 

આરએસએસના કાર્યક્રમમાં પણ આપી હતી હાજરી 
ગયા અઠવાડિયે હિમાચલના બિલાસપુરમાં રાષ્ટ્રીય સ્વયંસેવક સંઘની તરફથી સોશિયલ મીટ કાર્યક્રમ કરાવવામાં આવ્યું હતું. તેમાં પણ કંગના પહોંચી હતી અને કહ્યું હતું કે આરએસએસની વિચારધારા, તેમની વિચારધારાથી મેળ નથી કરતી. જણાવી દઈએ કે કંગનાના મંડી લોકસભા સીટ કે પછી ચંડીગઢથી ચૂંટણી લડવાની ચર્ચાઓ છે. 

મંડીની રહેવાસી છે કંગના 
મહત્વનું છે કે ફિલ્મ અભિનેત્રી કંગના રણૌત મૂળ મંડી જિલ્લાના સરકારઘાટ વિધાનસભા ક્ષેત્રથી ભાંબલા ગામની રહેવાસી છે અને તેમણે મનાલીમાં પોતાનું એક ઘર બનાવ્યું છે. તેમનો પરિવાર હવે મનાલીમાં જ રહે છે.