બોલિવૂડ / કંગના રનૌતે એક વીડિયો શેર કરી કહ્યું- યુવતીઓએ ડરવું નહીં, મારી-મારીને ચામડી ઉતારી દો

• કંગના ફરી એકવાર ચર્ચામાં 
• એક વીડિયો શેર કરી કંગનાએ લખ્યું- બધી યુવતીઓ જુએ
• કંગનાએ કહ્યું-એકલો પુરૂષ છોકરી પર હાવી ન થઈ શકે

કંગના રનૌતે એક વીડિયો શેર કર્યો છે. જેમાં એક યુવતી એક યુવકને મારી રહી છે. તેણે ટ્વિટ કરીને લખ્યું છે કે, 'મને ખબર નથી કે શું થયુ હશે? પણ રોજ-રોજ બળાત્કાર, મર્ડર, યુવતીઓનું શોષણના સમાચારો જોઈને હું એટલી પરેશાન છું કે હું ઇચ્છુ છુ કે, દરેક યુવતી આ જુએ, ડરો નહીં, આ જુઓ અને શીખો. જો કોઈ ડરાવે તો સમજી જાઓ કે એક એકલો પુરૂષ એક એકલી યુવતી પર હાવી નથી થઈ શકતો, મારી મારીને ચામડી ઉતારી દો, બહુ સરસ કર્યું યુવતીએ.

मुझे पता नहीं हुआ क्या मगर रोज़ रोज़ बलात्कार,मर्डर्ज़,लड़कियों के शोषण की खबरों से इतना परेशान हूँ की मैं चाहती हूँ की हर लड़की यह देखे, डरो मत ये देखो और सीखो, अगर कोई डराए तो जानो की एक अकेला आदमी एक अकेली लड़की पे हावी नहीं हो सकता,मार मार के चमड़ी निकल दो, well done girl 👏 https://t.co/BR1W7FnZRN

— Kangana Ranaut (@KanganaTeam) October 14, 2020

કંગનાની આ પોસ્ટને લોકોએ ખૂબ પસંદ પણ કરી રહ્યાં છે. ઘણાં યુઝર્સ કહે છે કે, તેઓ તેમની દીકરીઓને આવી રીતે જ બનવાની સલાહ આપે છે. તમને જણાવી દઈએ કે, એક યુઝરના વીડિયોને કંગનાએ રિટ્વિટ કર્યો છે જેમાં બોલિવૂડ ઇન્ટસ્ટ્રીમાં કામ કરનારા સામાન્ય લોકોની પરિસ્થિતિ જણાવવામાં આવી છે.

આ વીડિયો ટ્વિટ કરતાં કંગનાએ લખ્યું છે કે, બોલિવૂડના દિગ્ગજોએ મીડિયા પર એટેક કર્યો અને તેમને ઘણાાં નામ પણ આપ્યા પરંતુ હું પુછવા માંગુ છું કે ,આખરે કેમ જ્યારે મજૂરો, મહિલાઓ અને સ્ટંટમેન્સ સાથે અન્યાય થાય છે ત્યારે તેઓ આવી એકતા કેમ નથી દેખાડતા? આ લોકો તેમના હ્યુમન રાઇટ્સની ડિમાન્ડ તો કરે છે પણ બીજાના માનવાધિકાર માટે ચૂપ થઇ જાય છે.