- કામરાન અકમલ આ વર્ષે પાકિસ્તાન સુપર લીગથી લોકો વચ્ચે ચર્ચિત બન્યા
- અકમલના ઘરેથી એ બકરાની ચોરી થઇ ગઈ હોવાનો કિસ્સો બહાર આવ્યો
- બકરાની કિંમત 90,000 રૂપિયાની આસપાસ હતી
પાકિસ્તાની વિકેટકીપર બેટ્સમેન કામરાન અકમલ ફરી એક વખત ન્યુઝમાં આવ્યા છે. પણ આ વખતે એમના ક્રિકેટને કારણે નહીં પણ એક અલગ જ કારણને કારણે લોકો વચ્ચે ચર્ચાનો વિષય બન્યાં છે. કામરાન અકમલના ઘર માંથી ચોરી થઇ ગઈ છે. કામરાન અકમલના ઘર માંથી એક બકરાની ચોરી થઈ છે. ત્યાં 10 જુલાઈના દિવસે બકરીઈદ પર એક બકરાની બલી ચઢાવવા માટે ખરીદીને લઇ આવ્યા હતા પણ બકરીઇદના બે દિવસ પહેલા જ એમના ઘરેથી એ બકરાની ચોરી થઇ ગઈ હોવાનો કિસ્સો બહાર આવ્યો છે.
અકમલના પરિવારે એક દિવસ પહેલા છ બકરા ખરીદીને લઇ આવ્યા હતા અને તેને લાહોરમાં તેમના હાઉસિંગ સોસાયટીની બહાર બાંધીને રાખ્યા હતા. પણ ગઈ કાલે તેમાંથી એક બકરાની ચોરી થઇ ગઈ હતી અને એવી આશંકા જતાવવામાં આવે છે કે આ ચોરી રાતના ત્રણ વાગ્યાની આસપાસ જયારે વોચમેન સુતો હતો ત્યારે થઇ છે.
અકમલના પિતા મોહમ્મદ અકમલે જણાવ્યું હતું કે ચોરી થયેલ બકરો છ એ બકરા માંથી સૌથી સારો હતો અને તેની કિંમત 90,000 રૂપિયાની આસપાસ હતી. જો કે હાલ ક્રિકેટરના પરિવારને આશ્વાશન આપવામાં આવ્યું છે કે એમના બકરાને જલ્દી શોધી આપવામાં આવશે અને ચોરને પકડી પાડવામાં આવશે.
કામરાન અકમલ આ વર્ષે પાકિસ્તાન સુપર લીગથી લોકો વચ્ચે ચર્ચિત બન્યા છે. જો કે પાકિસ્તાન સુપર લીગ પહેલા પીબીસીના થોડા ખેલાડીઓની શ્રેણીમાં બદલવા કરવામાં આવ્યો હતો. એ સમયે કામરાન અકમલને ડાયમંડ થી ગોલ્ડ કેટેગરીમાં ડીમોટ કરવામાં આવ્યો હતો.
કામરાન અકમલે પાકિસ્તાન માટે 53 ટેસ્ટ, 157 વનડે અને 58 ટી 20 ઇન્ટરનેશનલ મુકાબલા ભાગ લીધો હતો. ટેસ્ટ મેચમાં કામરાન અકમલે 30.79ના એવરેજ થી 2648 રન બનાવ્યા હતા. જેમાં 6 સદી અને 12 અર્ધશતક શામેલ છે. ત્યાં જ વન ડે ઇન્ટરનેશનલમાં એમને 26.09ની એવરેજથી 3236 રન બનાવ્યા હતા. એ સિવાય ટી20 ઇન્ટરનેશનલમાં 21ણી એવરેજ થી 987 રન બનાવ્યા છે.
