વિરોધ / કોંગ્રેસના નેતા બોલ્યાં, ઋત્વિજ પટેલ કાન ખોલીને સાંભળી લે લુખ્ખાગીરી કરી ને તો...

• JNUમાં થયેલી હિંસાના પડઘા અમદાવાદમાં થઇ
• પાલડીમાં ABVP અને NSUIના કાર્યકરો વચ્ચે ઘર્ષણ
• પાલડી ABVP કાર્યાલય ખાતે ચુસ્ત પોલીસ બંદોબસ્ત

આ ઘર્ષણને લઇને ABVP એ દલીલ કરી છે કે NSUI ના કાર્યકરો અમને મારવા આવ્યાં હતાં, જેને NSUI એ દલીલ કરતાં કહ્યું કે ABVP ના કાર્યકરોએ અમારા પર હુમલો કર્યો હતો. 

કોંગ્રેસના નેતા જયરાજસિંહ પરમારે ABVP પર આરોપ લગાવ્યો હતો કે તેઓએ ગુંડાગીરી કરીને લુખ્ખાગીરી કરી છે. વિદ્યાર્થીઓએ ભણવું જોઇએ, વિદ્યાર્થીઓએ યુનિવર્સિટીને રાજકારણનો અખાડો ન બનાવો જોઇએ. જયરાજસિંહ પરમારે કહ્યું કે રાજનીતિમાં ગુંડાગીરીને સ્થાન નથી, ભાજપ ખોટી સલાહો આપે છે. 

ભાજપના મહેશ કસવાલાએ કહ્યું કે કાર્યકર કોઇપણ પક્ષનો હોય કે NSUI ના હોય કે ABVP નો હોય, કાયદો કાયદાનું કામ કરશે. કાયદામાં જે નીતિ કે જે જોગવાઇ હશે તે કરવામાં આવશે. ગુજરાતને JNU નહીં બનવા દઇએ.

આજે NSUI અને ABVP વચ્ચે થયેલા ઘર્ષણ મામલે બંને પક્ષોએ આમને-સામને દલીલ કરતા જોવા મળ્યાં.જેમાં ABVP એ દલીલ કરી કે NSUI ના કાર્યકરો અમને મારવા આવ્યા હતા. અમે બચાવની ભૂમિકામાં હતા. NSUIના કાર્યકરોએ અમારા પર હુમલો કર્યો. ABVP ના કાર્યકરો ક્યારેય હાથ ઉપાડતા નથી. 

જો કે ABVP ની દલીલ સામે NSUIએ દલીલ આપી હતી કે ABVP ના કાર્યકરોએ અમારા પર હુમલો કર્યો.  અમે શાંતિપ્રિય રીતે વિરોધ કરવા પહોંચ્યાં હતા. પોલીસે ABVPનો સાથ આપ્યો છે. ઋત્વિજ, પ્રદીપસિંહ વાઘેલાના કહેવાથી અમારા પર લાઠીચાર્જ થયો છે. અમારા પર દંડા અને તીક્ષ્ણ હથિયારથી હુમલો થયો છે.