જમ્મુ કાશ્મીર / ક્રિકેટ રમી રહેલા પોલીસ ઈન્સપેક્ટર પર આતંકીઓએ કર્યું પિસ્તોલથી ફાયરિંગ, શહીદ થયા

• કાશ્મીરના ઈદગાહમાં આતંકી હુમલામાં પોલીસ ઈન્સપેક્ટર શહીદ
• છોકરાઓ સાથે ક્રિકેટ રમી રહ્યાં હતા ત્યારે આતંકીઓ ત્રાટક્યાં
• પિસ્તોલથી ફાયરિંગ કરતાં ગંભીર રીતે ઘવાયા, હોસ્પિટલમાં શહીદ 

રવિવારે જમ્મુ-કાશ્મીરના શ્રીનગરમાં આતંકી હુમલો થયો છે.  શ્રીનગરમાં ઇદગાહમાં આતંકવાદીઓએ પોલીસ અધિકારીને ગોળી મારી દીધી હતી જેમાં તેમને ગંભીર ઈજા થતા હોસ્પિટલમાં દાખલ કરાયા હતા જ્યાં તેમનું અવસાન થયું હતું જોકે પોલીસ દ્વારા હજુ સુધી પોલીસકર્મીના મૃત્યુની પુષ્ટિ થઈ નથી. પોલીસ અધિકારીની ઓળખ અલી મોહમ્મદ વાનીના પુત્ર મસરૂર અલી વાની તરીકે થઈ છે. મસરૂર શ્રીનગરના યેચીપોરા ઈદગાહના રહેવાશી હતા.  એક પોલીસ અધિકારીને ગોળી માર્યા બાદ શ્રીનગરની ઈદગાહમાં સુરક્ષા કડક કરી દેવામાં આવી છે. અધિકારીઓના જણાવ્યા અનુસાર, હુમલો ત્યારે થયો જ્યારે મસરૂર વાની ઈદગાહ મેદાનમાં સ્થાનિક છોકરાઓ સાથે ક્રિકેટ રમી રહ્યાં હતા. 
 

આતંકી સંગઠન ટીઆરએફે લીધી એટેકની જવાબદારી
પોલીસ ઈન્સપેક્ટર મસરૂર અલી વાની પર પિસ્તોલથી ફાયરિંગ કરનાર આતંકી સંગઠનનું નામ પણ સામે આવ્યું છે. આતંકી સંગઠન ટીઆરએફે તેમની પરના હુમલાની જવાબદારી લીધી છે.