- આયકર વિભાગે રિટર્ન ભરવાની વધારી મુદત
- ધાર્મિક અને વ્યાવસાયિક સંસ્થાઓ માટે ટેક્સ રિટર્ન ભરવાની મુદત વધી
- 30 નવેમ્બર સુધી ITR ભરી શકશે સંસ્થાઓ
IT વિભાગે ધાર્મિક સંસ્થાઓ અને વ્યાવસાયિક સંસ્થાઓ માટે ટેક્સ રિટર્ન દાખલ કરવાની સમયસીમાને વધારી દીધી છે. એટલું જ નહીં ઓડિટ રિપોર્ટ રજૂ કરવાની મુદત પણ વધારી દેવામાં આવી છે.ધાર્મિક સંસ્થાઓ,વ્યાવસાયિક સંસ્થાઓ માટે ITR ફાઈલ કરવાની છેલ્લી તારીખ 30 નવેમ્બર છે.
ઓડિટ રિપોર્ટ રજૂ કરવાની તારીખ
આ સિવાય IT વિભાગે કોઈ ફંડ, ટ્રસ્ટ, સંસ્થાન કે કોઈ વિશ્વવિદ્યાલય કે શૈક્ષણિક સંસ્થાન કે તબીબી સંસ્થા દ્વારા ફોર્મ 10બી/10બીબીમાં 2022-23 માટે ઓડિટ રિપોર્ટ રજૂ કરવાની નિયત તારીખને વધારીને 31 ઑક્ટોબર 2023 કરી દીધી છે.
એક મહિનો વધારી દેવાઈ મુદત
આયકર વિભાગે પોતાના એક નિવેદનમાં કહ્યું કે નાણાકીય વર્ષ 2023-24 માટે ફોર્મ ITR-7માં ટેક્સ રિટર્ન જમા કરવાની નિયત તારીખ કે જે 31.10.2023 છે તેને વધારીને 30.11.2023 સુધી વધારી દેવામાં આવ્યું છે.
ફોર્મ -7 કોના માટે હોય છે?
આયકર વિભાગ અલગ-અલગ વ્યક્તિઓ અને સંસ્થાઓ માટે અલગ-અલગ ITR ફોર્મ બહાર પાડે છે. તેવામાં ITR-7 ધર્માર્થ અને ધાર્મિક ગતિવિધિઓ સાથે સંકળાયેલ સંસ્થાઓ અને વ્યાવસાયિક સંસ્થાઓ દ્વારા ભરવામાં આવે છે.
નોકરી કરતાં લોકો હજુ પણ ITR ફાઈલ કરી શકશે
30 જૂલાઈ સુધી તમામ નોકરિયાત લોકોએ ITR ફાઈલ કરી દેવાનું હતું પણ જો તમે હજુ સુધી રિટર્ન ફાઈલ નથી કર્યું તો તમે પેનલ્ટી ભરીને પણ રિટર્ન ફાઈલ કરી શકો છો. લેટ રિટર્ન ભરવા માટે જે લોકોની આવક 5 લાખ છે તેમણે 5000 રૂપિયાની પેનલ્ટી ભરવી પડશે. જ્યારે 5 લાખથી ઓછી આવક ધરાવતા લોકોએ 1000 રૂપિયાની પેનલ્ટી ભરવી પડશે.
