રેડ / અમદાવાદની જાણીતી કંપનીમાંથી 500 કરોડના બેનામી વ્યવહારો પકડાયા? IT વિભાગનો 6ઠ્ઠા દિવસે પણ સપાટો

• AGL કંપની પર ITના દરોડા યથાવત્
• ITના દરોડામાં રૂ.21 કરોડની રોકડ રકમ ઝડપાઇ 
• 500 કરોડના રોકડ વ્યવહારો ઝડપાયા:સૂત્ર

રાજ્યમાં અમદાવાદ, સુરત અને હિંમતનગરમાં AGL કંપનીમાં ITનું સર્ચે 6 દિવસથી યથાવત્ છે. આ સર્ચ દરમિયાન રૂપિયા 21  કરોડથી વધુની રોકડ ઝડપાઈ છે. સાથે 25 લોકર સીલ કરવામાં આવ્યાં છે. જેમાંથી માત્ર 2 લૉકર ખુલતા 1.250 કિલો સોસનું અને 22 લાખ સુધીના દાગીના મળી આવ્યા હોવાની માહિતી સૂત્રો દ્વારા મળી રહી છે. ઉલ્લેખનીય છે કે, આ પહેલા ITને ફાઈનાન્સર સંકેત, રુચિત, દિપક શાહને ત્યાંથી 10 કરોડ મળ્યા છે અને સુરતના શેર બ્રોકર ચિરાગ મોઢને ત્યાંથી 4 કરોડની રોકડ મળી હતી. જેથી ઈન્કમ ટેક્સ વિભાગની ટીમ મળેલી રકમ અંગે વિગતો મેળવી રહી છે. ઉપરાંત રોકડ રકમ માટેના વ્યવહારો અંગેની માહિતી પણ એકત્રિત કરાઇ રહી છે.

500 કરોડના રોકડ વ્યવહારો પકડાયા
તો આજે ખાસ સૂત્રોના હવાલેથી મળતી માહિતી અનુસાર સોમવાર સાંજ સુધીમાં  એશિયન ગ્રેનિટો ઇન્ડિયા લિમિટેડ એટલે કે AGLના કંપની તેમજ પરિવારના સભ્યોની તપાસમાં 500 કરોડ રૂપિયાના રોકડ વ્યવહારો પકડાયા છે. તેમજ આ ગ્રુપ સાથે સંકળાયેલા અન્ય નાના મોટાં લોકો પાસેથી પણ 50થી 60 કરોડના રોકડ લેણદેણ પણ સામે આવી છે. જ્યારે રોકડા નાણા 100 કરોડથી વધુ મળ્યા હોવાની આશંકા છે.

કઈ કઈ જગ્યાએ ચાલી રહી છે તપાસ?
સમગ્ર દરોડા મામલે મળતી માહિતી મુજબ AGL કંપની તેમજ પરિવારના સભ્યોની અમદાવાદની 30 જગ્યાઓ સર્ચ ઓપરેશન ચાલુ છે. જ્યારે રાજ્યમાં અન્ય 10 સ્થળો  મોરબી, હિંમતનગર, સુરતમાં પણ તપાસ ચાલી રહી છે. ફાઈન્સર સંકેત સાહ ,રુચિત શાહ ,દિપક શાહ, સેજલ શાહ તેમજ પરીવારના સભ્ય ,કમલેશ પટેલ, મુકેશ, ભાવેશ સુરેશ પટેલ ત્યા પણ રેડની કાર્યવાહી થઈ છે. તેમજ નારાયણ નગર પાલડી ખાતેની ઓફિસ તેમજ અદાણી શાતીગ્રામ ખાતે agl માલીકના રહેઠાણ પર પણ તપાસ ચાલી રહી છે.

200 અધિકારીઓ કરી રહ્યા છે સર્ચ
40 જગ્યા પર સર્ચ ઓપરેશન ચાલુ છે જેમાં 200 ઇન્કમટેક્સના  અધિકારીઓ રેડમા લાગેલા છે. મોટા પ્રમાણમા ગેરવ્યવહારો મળી આવે તેવી આશંકા સેવાઇ રહી છે. આજે દરોડાનો 6ઠ્ઠો દિવસ હતો. હજુ પણ વધારે દિવસથી તપાસ ચાલે તેવી શક્યતા છે.

એશિયન ગ્રેનિટો ઈન્ડિયા લિમિટેડ ભારતની સૌથી મોટી ટાઇલ્સ બનાવતી કંપનીઓમાની એક
વધુમાં તમને જણાવી દઇએ કે, એશિયન ગ્રેનિટો ઈન્ડિયા પર દરોડા પાડવામાં આવી રહ્યાં છે અને એનું મુખ્ય મથક (Gujarat) ગુજરાતમાં છે.  કમલેશ પટેલની માલિકીની એશિયન ગ્રેનિટો ઈન્ડિયા લિમિટેડ એ ભારતની સૌથી મોટી ટાઇલ્સ અને બાથવેર સોલ્યુશન્સ બ્રાન્ડ બનાવતી કંપનીઓમાની એક છે. મળતા અહેવાલ મુજબ, તપાસના અંતે મોટા પ્રમાણમાં બેનામી હિસાબો સામે આવે તેવી શક્યતાઓ પણ સેવાઈ રહી છે.