Israel Hamas War / શું ઈઝરાયલ યુદ્ધને રોકી દેશે? PM નેતન્યાહૂએ આપ્યો બંધકોને મુક્ત કરવાનો સંકેત, કહ્યું 'મને લાગે છે કે...'

• ઇઝરાયલ અને હમાસ વચ્ચેના યુદ્ધનો આજે 38મો દિવસ
• ઇઝરાયલના PM બેન્જામિન નેતન્યાહુએ આપ્યો યુદ્ધ રોકાવનો સંકેત 
• હમાસ દ્વારા બંધકોને મુક્ત કરવા માટે સંભવિત કરાર થઈ શકે છે 

ઇઝરાયલ અને હમાસ વચ્ચેના યુદ્ધનો આજે 38મો દિવસ છે. આજે પણ ઈઝરાયલની સેના આતંકવાદીઓને એ જ રીતે નિશાન બનાવી રહી છે જેવી રીતે તે પહેલા દિવસે કરી રહી હતી. દરમિયાન, ઇઝરાયલના વડા પ્રધાન બેન્જામિન નેતન્યાહુએ રવિવારે ગાઝામાં હમાસ દ્વારા બંધકોને મુક્ત કરવા માટે સંભવિત કરાર તરફ સંકેત આપ્યો હતો.  

એક વાતચીત દરમિયાન ઈઝરાયલના વડાપ્રધાન બેન્જામિન નેતન્યાહુને જ્યારે પૂછવામાં આવ્યું કે શું હમાસના આતંકવાદીઓ દ્વારા બંધકોને મુક્ત કરવા માટે કોઈ સંભવિત કરાર છે, તો નેતન્યાહૂએ જવાબ આપ્યો 'કદાચ.' પરંતુ નેતન્યાહુએ કોઈપણ યોજના વિશે ચોક્કસ માહિતી આપવાનો ઇનકાર કર્યો હતો. બેન્જામિન નેતન્યાહુએ કહ્યું કે મને લાગે છે કે હું આ સંદર્ભમાં જેટલું ઓછું બોલીશ, તેટલી સફળ થવાની શક્યતાઓ વધારે છે. તેમણે વધુમાં કહ્યું કે પહેલા ઘણા પ્રકારના સમાચારો આવતા હતા પરંતુ અમે ગ્રાઉન્ડ ઓપરેશન શરૂ કરતા જ બધું બદલાઈ રહ્યું હોય તેવું લાગી રહ્યું હતું.

અહીં ચર્ચા કરીએ કે છેલ્લા કેટલાક દિવસોમાં ઇઝરાયલ અને હમાસ વચ્ચે યુદ્ધ તેજ બન્યું છે. 7 ઓક્ટોબરે હમાસના લડવૈયાઓએ કરેલા હુમલા બાદથી ઈઝરાયેલ ગાઝા પર સતત હુમલા કરી રહ્યું છે અને હમાસના લડવૈયાઓને પાઠ ભણાવી રહ્યું છે. ગાઝામાં સ્વાસ્થ્ય મંત્રાલયના જણાવ્યા અનુસાર, ઇઝરાયલના હુમલામાં અત્યાર સુધીમાં બાળકો સહિત 10,000થી વધુ પેલેસ્ટાઈનના મોત થયા છે.

દરમિયાન, ઇઝરાયલ ડિફેન્સ ફોર્સિસ (IDF) એ માહિતી આપી છે કે તેના સૈનિકોએ તાત્કાલિક તબીબી હેતુઓ માટે ગાઝાની અલ-શિફા હોસ્પિટલમાં 300 લિટર ઇંધણ પહોંચાડ્યું છે. જવાનોએ પોતાનો જીવ જોખમમાં મૂકીને આ કામ કર્યું. જો કે સમાચાર મુજબ હમાસે ઈંધણ લેવાનો ઈન્કાર કરી દીધો હતો. જો કે હમાસે એક નિવેદનમાં કહ્યું કે ઈંધણ લેવાનો કોઈ ઈન્કાર નથી. એવું પણ કહેવામાં આવ્યું છે કે જેટલા ઇંધણની વાત કરવામાં આવી રહી છે તેનાથી હોસ્પિટલનું જનરેટર ત્રીસ મિનિટથી વધુ ચાલશે નહીં.