- અહમદિયા મુસ્લિમોએ પેટ ભરીને કર્યાં પીએમ મોદીના વખાણ
- કહ્યું- પીએમ મોદીએ ત્રણ તલાક નાબૂદ કરીને સમાજનું ભલું કર્યું
- પીએમ મોદીએ દેશ અને ખાસ કરીને લઘુમતીઓ માટે ઘણા પગલાં લીધા
વિવિધ મુસ્લિમ સંગઠનોના નેતાઓએ લઘુમતીઓના કલ્યાણ માટે ત્રણ તલાક નાબૂદ કરવા સહિત અનેક પગલાં ભરવા બદલ વડાપ્રધાન નરેન્દ્ર મોદી અને તેમની સરકારની પ્રશંસા કરી હતી. એનઆઈડી ફાઉન્ડેશન દ્વારા આયોજિત "અખિલ ભારતીય લઘુમતી સંમેલન - અમૃત કાલમાં લઘુમતીઓની ભૂમિકા" માં બોલતા, અહમદિયા મુસ્લિમ સમુદાયના વિદેશી બાબતોના નિયામક અહેસાન ઘોરીએ કહ્યું, "પીએમ મોદીએ દેશ અને ખાસ કરીને લઘુમતીઓ માટે ઘણા પગલાં લીધા છે. તેની પ્રશંસા થવી જોઈએ. સારી વસ્તુઓની પ્રશંસા થવી જોઈએ અને અમે તેમની પ્રશંસા કરીએ છીએ.
ત્રણ તલાક રદ કરવાનું મોદી સરકારનું પગલું સારુ- મુસ્લિમ સંગઠન
અહમદિયા મુસ્લિમોએ ટ્રિપલ તલાક પર પ્રતિબંધ મૂકવાથી લઈને પ્રધાનમંત્રીની પહેલની પ્રશંસા કરી હતી. પીએમ મોદીના વખાણ કરતા અહમદિયા મુસ્લિમ યૂથ એસોસિએશનના પ્રમુખે કહ્યું કે, ઈસ્લામ પણ ત્રણ તલાકમાં વિશ્વાસ નથી કરતો. "ઇસ્લામ પણ ટ્રિપલ તલાકની પ્રથાને સ્વીકારતો નથી. આવી સ્થિતિમાં, પીએમ મોદીની સરકારનું આ પગલું એક સારું પગલું છે. મહિલા સશક્તિકરણની દિશામાં આ એક સારું પગલું છે. અમે આ પહેલનો આદર કરીએ છીએ.
પીએમ મોદીએ દેશ અને અલ્પસંખ્યકો માટે અનેક પગલા લીધા
આ પ્રસંગે અહમદિયા મુસ્લિમ યૂથ એસોસિએશનના ફોરેન અફેર્સ ડાયરેક્ટર અહેસાન ઘોરીએ કહ્યું કે, "પીએમ મોદીએ દેશ અને અલ્પસંખ્યકો માટે અનેક પગલા લીધા છે અને આની પ્રશંસા થવી જોઈએ.
પીએમ મોદી એક મહાન નેતા, અમારું સૌભાગ્ય-મંસૂર ખાન
સૂફી ઈસ્લામિક બોર્ડના રાષ્ટ્રીય અધ્યક્ષ મંસૂર ખાને કહ્યું કે, "દુનિયા પીએમ મોદીને એક મહાન નેતાના રૂપમાં ઓળખે છે. તેઓ આજે વૈશ્વિક નેતા છે. તે અમારું સૌભાગ્ય છે કે આપણને આવા મહાન નેતા મળ્યા છે જેમણે આપણા દેશને વિશ્વ નેતા બનાવ્યો છે. ઉલેમા ફાઉન્ડેશન જામિયા આલિયા જાફરીયાના રાષ્ટ્રીય અધ્યક્ષ મૌલાના કૌકાબ મુજતબાએ કહ્યું કે પીએમ મોદીએ એવા નિર્ણયો લીધા છે જે 1947થી લેવામાં આવ્યા નથી. ઉલ્લેખનીય છે કે મુસ્લિમ મહિલા (વિવાહ અધિકાર સંરક્ષણ) કાયદો 1 ઓગસ્ટ, 2019ના રોજ પસાર કરવામાં આવ્યો હતો. ત્યાર બાદ ટ્રિપલ ડિવોર્સના કેસમાં લગભગ 82 ટકાનો ઘટાડો નોંધાયો છે. ત્રણ તલાકને નાબૂદ કરીને મોદી સરકારે મુસ્લિમ મહિલાઓના સામાજિક-આર્થિક, મૂળભૂત અને બંધારણીય અધિકારોને મજબૂત કર્યા છે.
