- આતંકી સંગઠન ISISનું કામ
- આફ્રિકામાં એક શહેરમાં 50 લોકોના માથાં કાપી નાખ્યા
- અહીંની જનતા ભાગવા માટે મજબૂત બની છે
એક માહિતી પ્રમાણે અહીંના લોકો ચાલતા, બોટમાં અથવા અન્ય કોઈ રીતે આ શહેરથી ભગવા માટે વિવશ થઈ ગયા છે, નોંધનીય છે કે એક લાંબા વિદ્રોહના સઘર્ષ પછી આ શહેર પર આતંકવાદી સંગઠન આઈએસઆઈએસએ કબ્જો કરી લીધો છે, અને આ આતંકીઓએ ગત બુધવારે કરેલા હુમલામાં ઘણા લોકો માર્યા ગયાની જાણકારી સામે આવી છે.
આતંકીઓ હુમલામાં સફળ રહ્યા
મહત્વનું છે કે 2017થી જ ઉત્તરી મોઝામ્બિકયુમાં લોહિયાળ સંઘર્ષ ચાલી રહ્યી છે, અને આફ્રિકી વહીવટીતંત્રે આ મામલે એક નિવેદનમાં કહ્યું છે કે આ આતંકવાદીઓએ એક વ્યવસ્થિત યોજના પ્રમાણે હુમલો કર્યો હતો અને તેમાં તેઓ સફળ રહયા હતા, જો કે આના પછીથી આ શહેરના હજારો લોકો હાલમાં લાપતા બતાવાઈ રહયા છે, જેમાં એક બ્રિટિશ કોન્ટ્રાકટર પણ સામેલ છે.
અહેવાલ અનુસાર, જે હોટેલમાં આ બ્રિટિશ કોન્ટ્રાકટર રોકાયો હતો તે હોટેલની આંતકીઓએ ઘેરાબંદી કરી નાખી હતી અને 50 લોકોના માથા વાઢી નાખ્યા હતા. આની સિવાય આતંકવાદીઓએ 17 ગાડીઓમાં ઓપન ફાયરિંગ પણ કર્યું હતું, 44 વર્ષના આ બ્રિટીશ કોન્ટ્રકટર ફિલ માટે તેના ભાઈએ માત્ર એટલું જ કહ્યું હતું કે અત્યારે હું માત્ર એટલું જ કહી શકું છું કે મારો ભાઈ જ્યાં રોકાયો હતો તે જગ્યા પર આતંકીઓએ હુમલો કર્યો હતો.
આ શહેરને માઇનિંગનું શહેર ગણવામાં આવે છે
આ શહેર પાલ્મા છે, એક વ્યક્તિએ ઇન્ટરનેશનલ ન્યુઝ એજન્સી સાથેની વાતચીતમાં જણાવ્યું હતું કે આ શહેરને માઇનિંગનું શહેર કહેવામાં આવે છે, અને 75 હજારની વસ્તી વાળા આ શહેરની હાલત હાલમાં ઘણી ખરાબ થઇ ચૂકી છે. ઘણા લોકો જંગલના રસ્તાઓ પરથી ચાલી રહયા હતા, અને ચાલતા ચાલતા બેહોશ પણ થઇ ગયા હતા.
આ મામલે વધુ એક સ્થાનીય વ્યક્તિએ દાવો કર્યો હતો કે હુમલાની પહેલા અમુક આતંકીઓ શહેરમાં આવ્યા હતા અને અમુક સ્થાનિક લોકોને પૈસા આપીને તેમના ઘરે રોકાઈ ગયા હતા, જેમણે પાછળથી આ શહેરના મેઈન રોડસ પર હુમલો કરી દીધો હતો અને પોલીસ કૈંક પણ કરી શકે તે પહેલા આક્રમણકારીઓએ હુમલો શરુ કરી દીધો હતો.
