તમારા કામનું / શું તમને પણ કોટન સળીથી કાનને કરો છો સાફ? તો થઈ જજો સાવધાન, આવી રીતે કરો સફાઇ

• કાનને સાફ કરવા કોટન બડ્સનો ઉપયોગ ટાળવો
• સફાઈ કરતાં કાન થઈ શકે છે ડેમેજ
• કાનમાંથી મેલ કાઢવા માટેનાં અન્ય ઘરેલૂ ઉપાય કરવા

પાણી, હવા અને માટીનાં કારણે કાનમાં ગંદકી જમા થવા લાગે છે. તેને ઈયરવેક્સ કહેવામાં આવે છે. તેને સાફ કરવા માટે લોકો કોટન બડ્સનો ઉપયોગ કરતાં હોય છે. પરંતુ શું આ કોટન બડ્સનો ઉપયોગ કરવો યોગ્ય છે? શું તેના લીધે સાફ થવાની જગ્યાએ કાનને નુક્સાન પણ પહોંચી શકે છે?

કોટન બડ્સનો ઉપયોગ નુક્સાનકારક
ડોક્ટર્સ કહે છે કે કાનને સાફ કરવા માટે કોટન બડ્સનો ઉપયોગ નુક્સાનકારક છે. કોટન બડ્સને જ્યારે કાનની અંદર નાખવામાં આવે છે ત્યારે એ ગંદકી બહાર નિકળવાની જગ્યાએ મેલને અંદરની તરફ ધકેલે છે જેના લીધે કાનમાં ઈન્ફેક્શનનો રિસ્ક વધી જાય છે. તેનાથી કાનની અંદર કટ પણ લાગી શકે છે. કોટન બડ્સ કાનની અંદરની વૉલને પણ નુક્સાન પહોંચાડી શકે છે. પરિણામે સાંભળવાની ક્ષમતા પણ ઘટવા માંડે છે.

ઈયર કેનાલમાં ધકેલાય છે ગંદકી
ENT સર્જન જણાવે છે કે કાનમાં ઈયરવેક્સ બનવાની પ્રોસેસ હોય છે. આ ઈયરવેક્સ કાનને પ્રોટેક્ટ પણ કરે છે પરંતુ જો જરૂરથી વધારે જમા થાય તો નુક્સાન પણ પહોંચાડી શકે છે. લોકો કોટન બડ્સથી કાનને સાફ કરે છે પરંતુ સફાઈ કરતાં સમયે કાનની અંદર રહેલી ગંદકી ઈયર કેનાલમાં જઈ શકે છે. આ મેલની સાથે રહેલા બેક્ટેરિયા કાનનાં પડદાને નુક્સાન પહોંચાડી શકે છે. એટલું જ નહીં જો આ બેક્ટેરિયાનું પ્રમાણ વધી જાય તો અનેક ગંભીર પ્રકારની સમસ્યાઓ પણ થઈ શકે છે. તેવામાં કોટન બડ્સનો ઉપયોગ ટાળવો જોઈએ.

કેવી રીતે કરવી કાનની સફાઈ?
આપણું શરીર પોતાના વિવિધ ભાગોને જાતે જ સાફ કરી દેવાની ક્ષમતા ધરાવે છે. તેવી જ રીતે કાન પણ પોતે જ સાફ થઈ જાય છે. જો તમને તમારા કાનની સફાઈ જાતે કરવી છે તો તેની બેસ્ટ રીત છે કે તમે કાનમાં ઓઈલ નાખો.  નારિયેળ તેલ અથવા બેબી ઓઈલ શ્રેષ્ઠ ઉપાય છે. તેલને કાનમાં નાખવાથી તેમા રહેલી ગંદકી બહાર તરફ આવી જાય છે અને કપડાની મદદથી તમે સરળતાથી તેને કાઢી શકો છો. આ સિવાય નહાવા સમયે કાનની અંદર થોડું પાણી નાખવાથી પોતે જ કાન સાફ થઈ જશે.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)